Havorka, u pryvatnaści, viałasia pra cyhanoŭ, jakich u abłasnym centry pražyvaje jak najmieniej paŭtary tysiačy.

Maładyja cyhany prosta začaravali ŭdzielnikaŭ «kruhłaha stała» svaim tancam. Prezientavaŭsia j videafilm Łarysy Ščyrakovaj pra žyćcio cyhanskaj dyjaspary ŭ vioscy Prybar Homielskaha rajona.

Kaardynatar BCHD Jury Klimovič raskazaŭ pra historyju cyhanskaha naroda. Jaho pieršyja pradstaŭniki źjavilisia ŭ Biełarusi bolš jak tysiaču hadoŭ tamu. Na žal, staŭleńnie da cyhanoŭ było j zastałosia pieravažna niehatyŭnym. U Statucie VKŁ byŭ navat asobny 35-y artykuł pra cyhanoŭ, jaki vyznačaŭ ich jak «ludziej niepatrebnych i hultajavatych».

Hramadskaja aktyvistka Maryja Bahdanovič, budučy kumoj u cyhanskaj siamji, zrabiła ahlad miascovaj presy, u publikacyjach jakoj nahladna prajaŭlajucca matyvy cyhanafobii. Z hetaj nahody joj asabista daviałosia źviartacca va ŭpravu ideałohii Homielskaha abłvykankama i Ministerstva infarmacyi.

Mnohija z cyhanoŭ nie majuć navat pačatkovaj adukacyi, ich nie biaruć na pracu.
Nie majučy dakumientaŭ, cyhany nie mohuć atrymać i svoječasovuju miedyčnuju dapamohu. Vielmi časta jany źviedvajuć cisk z boku milicyi, napady skinchedaŭ. Pra heta zhadvała ŭ svaim vystupie cyhanka Natalla. Sama jana nie mahła ŭładkavacca na pracu na zavod lićcia j narmalaŭ, pakul nie nazvałasia asietynkaj.

Pastar carkvy «Žyvoje słova viery» Dźmitry Padłobka apavioŭ pra cyhanoŭ-viernikaŭ i pra dapamohu carkvy ŭ navučańni cyhanskich padletkaŭ, jakija ŭ 12–14 hadoŭ nie ŭmieli ni čytać, ni pisać.

«Kali my chadzili da čynoŭnikaŭ administracyi Savieckaha rajona, u ich znachodziŭsia dziasiatak pryčynaŭ, pavodle jakich cyhanam nielha dapamahčy», — zajaviŭ pastar.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?