Nacyjanalny bank 19 listapada ŭvioŭ u abaračeńnie pamiatnyja maniety «Biełaruskaja čyhunka. 150 hadoŭ»: siarebranuju — naminałam 10 rubloŭ, probaj spłavu 925, masaj 16,81 h, dyjamietram 37 mm; miedna-nikielevuju — naminałam 1 rubiel, masaj 20,00 h, dyjamietram 37 mm.

Jak paviedamlaje Nacbank, maniety majuć formu kruha, ź piaredniaha i abarotnaha bakoŭ — vystupaje kant pa akružnaści. Bakavaja pavierchnia maniet z nasiečkaj.

Aviers: uviersie — reljefnaja vyjava dziaržaŭnaha hierba Respubliki Biełaruś; u centry — na fonie budynka čyhunačnaha vakzała stancyi Minsk-Pasažyrski vyjava sučasnaha elektraciahnika sieryi EP; sprava — hod čakanki; unizie — naminał: «10 rubloŭ» (na siarebranaj maniecie — i proba spłavu) i «1 rubiel» (na miedna-nikielevaj); uviersie pa kruzie nadpis: «Respublika Biełaruś».

Reviers: u centry — na fonie budynka čyhunačnaha vakzała stancyi Hrodna, pabudavanaha ŭ pačatku 60-ch hadoŭ XIX st., na čyhunačnych puciach vyjaŭleny tavarna-pasažyrski paravoz sieryi H (vyrableny ŭ Anhlii ŭ pieryjad 1860—1865 hh. dla S.-Pieciarburhska-Varšaŭskaj čyhunki). Nad ciahnikom raźmieščany nadpis: «150 hadoŭ». Uviersie pa kruzie nadpis: «Biełaruskaja čyhunka».

Maniety adčakanieny na pradpryjemstvie «Kazachstanski manietny dvor Nacyjanalnaha banka Respubliki Kazachstan». Nakład siarebranych maniet — 4.000 štuk, miedna-nikielevych — 2.000 štuk.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?