Pierad pajezdkaj na «Mis Ziamla» Natalla radykalna źmianiła koler vałasoŭ.

Pierad pajezdkaj na «Mis Ziamla» Natalla radykalna źmianiła koler vałasoŭ.

U 2011 aśpirantka Maskoŭskaj finansavaj akademii Natalla Pieravierzieva pieramahła ŭ konkursie «Mis Maskva».

U 2011 aśpirantka Maskoŭskaj finansavaj akademii Natalla Pieravierzieva pieramahła ŭ konkursie «Mis Maskva».

U pačatku listapada 23-hadovaja aśpirantka Maskoŭskaj finansavaj akademii Natalla Pieravierzieva, uradženka «sałaŭinaj stalicy» Rasii, horada Kurska, pakłała ŭ čamadan 94 matroški (na suvieniry), sukienku ŭ narodnym styli z kakošnikam, tomik «Hanny Kareninaj» i adpraviłasia na Filipiny, pradstaŭlać Rasiju na mižnarodnym konkursie pryhažości «Mis Ziamla».

U 2010 hodzie jana ŭžo stała samaj pryhožaj dziaŭčynaj Maskvy, atrymaŭšy tytuł «Mis Maskva», a ŭ 2011 hodzie była nazvanaja «Krasoj Rasii». Kožny, chto bačyŭ fota Natalli, pahodzicca, što nie darma.

Treba zaŭvažyć, što ŭsie tytuły dziaŭčyna zavajavała, byŭšy cudoŭnaj błandynkaj, ale prosta napiaredadni adjezdu na Filipiny pafarbavała vałasy ŭ čorny koler. «Ja lublu mianiacca, heta dapamahaje adkryć niešta novaje ŭ sabie i nastrojvaje na pazityŭny ład», — patłumačyła Krasa Rasii.

Nastupstvy hetych adkryćciaŭ novaha ŭ sabie nie prymusili čakać.

Na sajcie konkursu «Mis Ziamla» u kožnaj z 94 udzielnic jość svaja staronka — fota ŭ kupalniku i nievialiki apoviad pra siabie: pra dziacinstva, siamju, prablemy, jakija chvalujuć bolš za ŭsio.

Konkurs «Mis Ziamla» adroźnivajecca ad inšych svajoj ekałahičnaj skiravanaściu, adnym z samych hałoŭnych spabornictvaŭ tut źjaŭlajecca prezientacyja prajekta, jaki prapanuje rašeńnie toj ci inšaj zadačy.
Natalla Pieravierzieva, naprykład, źniała film ab alternatyŭnych krynicach enierhii.
Udzielnicy taksama pavinny piśmova adkazać na pytańnie «Čamu vy hanaryciesia svajoj krainaj i što vy možacie dla jaje zrabić?»

Pačała Natalla davoli pradkazalna. «Ja zaŭsiody hanaryłasia krainaj, u jakoj žyvu, — piša naša ŭdzielnica. — Ja nie mahu ŭjavić siabie bieź jaje. Maja kraina — heta ŭsio, što ŭ mianie jość, usie ludzi, jakich ja lublu, heta ŭsio, što mnie darahoje».

Dalej jana paraŭnoŭvaje Rasiju sa stanistaj, čyrvanaščokaj dziaŭčynaj z kazki. A jašče

Rasija, na dumku Pieravierzievaj, nahadvaje dobruju karovu
«ź vielmi vialikimi vačyma, śmiešnymi rožkami», jakaja viečna niešta žuje i daje «sałodkaje małako, što pachnie łuhavymi travami i soniejkam».
«Ale maja Rasija — heta taksama biednaja kraina, jakaja pakutuje, biaźlitasna razadranaja prahnymi, niesumlennymi, biaźviernymi ludźmi.
Maja Rasija — heta vialikaja arteryja, ź jakoj niešmatlikija „abranyja“ advodziać jaje bahaćci.
Maja Rasija — žabračka. Maja Rasija nie moža dapamahčy svaim starym i sirotam», —
raptam rezka źmianiaje ton z pastaralnaha na vykryvalny 23-hadovaja pryhažunia.

I dalej samaja pryhožaja dziaŭčyna Maskvy-2011 raspaviadaje miljonam ludziej z usiaho śvietu, jakija zachodziać na sajt «Miss Earth» prahałasavać za ŭpadabanuju udzielnicu, što

Rasija — heta jašče i «biaskoncaja kaŭkazskaja vajna», što ŭ krainie, jakaja pieramahła fašyzm, kvitnieje nacyjanalizm.

Pry hetym

aśpirantka Finansavaj akademii, unučka ekanamistaŭ (dziadula Natalli byŭ prafiesaram ekanomiki, a babula — kandydatam ekanamičnych navuk) bačyć, padobna, i vyjście.
«Tolki my možam palepšyć situacyju», — ličyć jana. I
zaklikaje być aktyŭnymi i nie zapluščvać vočy na niepryjemnyja fakty.
«My pavinny staracca žyć nie tolki ŭ jakaści spažyŭcoŭ, ale i raźvivać siabie, čytać knihi, słuchać cikavuju muzyku i być zacikaŭlenymi ŭ navukovych dasiahnieńniach, —
źviartajecca pretendentka na zvańnie „Mis Ziamla“. — Kali my surjozna pačniom kłapacicca pra svaju krainu, jana raskvitnieje i zaźziaje».
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?