Pa stanie na 16 listapada 2012 hoda razhledžana pytańnie ab prymianieńni amnistyi ŭ dačynieńni da 14.155 asudžanych (usiaho traplajuć pad amnistyju 15.068 čałaviek), jakija ŭtrymlivajucca ŭ miescach pazbaŭleńnia voli. Pra heta paviedamili ŭ MUS Biełarusi.

Načalnikami papraŭčych ustanoŭ zakrytaha typu vyniesieny pastanovy ab vyzvaleńni ad dalejšaha adbyvańnia pakarańnia 2.671 asudžanaha.

Pryniata rašeńnie ab skaračeńni terminu pakarańnia na adzin hod u dačynieńni da 5.322 asudžanych. Admoŭlena ŭ prymianieńni amnistyi 6.162 asudžanym.

Nahadajem, aprača asob, što ŭtrymlivajucca pad vartaj, zakon Respubliki Biełaruś "Ab amnistyi niekatorych katehoryj asob, jakija ŭčynili złačynstvy" ad 9 lipienia 2012 hoda raspaŭsiudžvajecca na asudžanych, da jakich prymieniena pakarańnie, nie źviazanaje z pazbaŭleńniem voli. Z takoj katehoryi pad amnistyju traplajuć bolš jak 7,5 tys. čałaviek. Pa stanie na 1 listapada 4.842 asudžanyja vyzvaleny ad dalejšaha adbyvańnia pakarańnia, 1.957 termin skaročany na hod.

Zakon utrymlivaje pieralik asob, na jakich dziejańnie amnistyi nie raspaŭsiudžvajecca. Siarod inšych asudžanyja, jakija ŭchilajucca ad adbyvańnia pakarańnia, abjaŭlenyja ŭ vyšuk, złosnyja parušalniki režymu, tyja, chto nie pahasiŭ ŭron, a taksama tyja, da kaho ciaham 2005—2012 hadoŭ amnistyja abo pamiłavańnie ŭžo prymianialisia, ale jakija znoŭ učynili naŭmysnaje złačynstva ŭ pieryjad niaźniataj ci niepahašanaj sudzimaści.

Zakon ab amnistyi ŭvajšoŭ u siłu 11 lipienia. Jon pavinien być vykanany ciaham šaści miesiacaŭ z dnia aficyjnaha apublikavańnia.

Pry realizacyi zakona z papraŭčych ustanoŭ zakrytaha typu mierkavałasia vyzvalić prykładna 2.180 źniavolenych, z papraŭčych ustanoŭ adkrytaha typu — pryblizna 700.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?