Jak vy staviciesia da taho, što ŭłady chočuć pradać AAT «Hrodna Azot» — samaje bujnoje pradpryjemstva horada? Mierkavańniami dzielacca hrodziency.

— Što ja mahu skazać? Ja dumaju, što biełarusy ŭsio-taki pavinny svaje pradpryjemstvy mieć, nie ŭsio ž my pavinny pradavać. I pracoŭnaja siła tam naša. Viedaju, što rasijanie na AES u Astraŭcy kažuć: biełarusy nam nie patrebny, my sami spravimsia. A našy pryjechali, kab pracavać tam. Tak tady i na «Azocie» budzie: nie patrebny buduć. Atrymlivajecca, usio pradajem ciapier naša biełaruskaje.

— Ja dumaju, kali hrodzienskaje — značyć hrodzienskaje. Rasijskaje chaj budzie rasijskaje, a naša — našym niachaj. Ja liču, nie treba pradavać, niachaj zastaniecca našym.

— Ja sumniavajusia, ja b nie pradavała. Svajo, tym bolej maje marku, maje realizacyju pradukcyja — čaho pradavać? Što jon užo taki staŭ ladaščy? Nie!

— Dumaju, što nie treba, niachaj staić. Dumaju, što hrodziencam patrebny «Azot». Tym bolej stolki ludziej pracuje na hetym pradpryjemstvie.

— Nie pradavać, heta ž dziaržaŭnaje.

— Nie mahu skazać, tamu što nie viedaju — kamu pradajecca, što ad hetaha budzie? Ci budzie pradpryjemstvu lepš? Ci buduć inviestycyi, ci budzie raźvivacca? Moža, tady i jość sens pradavać. Dla taho, kab zrazumieć heta, treba mieć infarmacyju.

— Dumaju, nie treba. Nu jak možna takuju svaju majomaść pradavać? Jaho treba, naadvarot, zachoŭvać, prymnažać, a nie pradavać. Pradać prosta, a potym budzie nie naša.

— Nie, kaniečnie, usio-taki prybytak horadu daje.

— «Azot» — pradpryjemstva horadaŭtvaralnaje, i vielmi šmat hrodziencaŭ pracuje na im. Biezumoŭna, nikoli nie chočacca pradavać svajo, heta adnaznačna. Inšaja sprava, što «Azot» — takaja «bomba», jakaja moža kali-niebudź i «vystralić». U jakim jon ciapier stanie — mnie ciažka skazać, i što daść hety prodaž? Moža heta daść madernizacyju, bolšuju biaśpieku dla horada. U lubym vypadku nie chaciełasia b całkam pradavać. Kali całkam pradaješ, ličy, što ty ŭžo nie haspadar. Chočacca być usio-taki na svajoj ziamli haspadarom.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?