U asnovu pryčyn adstaŭki raniejšaha kiraŭnika KDB lahli prablemy ŭ pracy z asabistym składam. «U pieršuju čarhu — heta niezdarovaja maralna-psichałahičnaja abstanoŭka, jakaja skłałasia ŭ asobnych padraździaleńniach KDB Jana vyklikanaja niedachopami ŭ arhanizacyi jak kadravaj, tak i ideałahičnaj pracy, a taksama pierakos pry harantavańni ŭłasnaj biaśpieki», — zajaviŭ Alaksandr Łukašenka.

Jak adznačyŭ jon, pryniatyja rašeńni pierš za ŭsio źviazanyja z nastrojem i mierkavańniem siaredniaha i nižejšaha źviana supracoŭnikaŭ KDB. «Ja ich hołas pačuŭ. Mahu skazać, vaš hołas pačuŭ. Ale pa-mužčynsku chaču vas papiaredzić, što da vas pryjšoŭ kiraŭnikom „Zajcaŭ u kvadracie“. Heta nie toj dobry chłopiec, jakoha, moža być, chtości tut čakaŭ, — padkreśliŭ Łukašenka. — Heta „Zajcaŭ u kvadracie“, ale bieź lišnich zanosaŭ, biez hałavaciapstva, čałaviek, naceleny na prafiesijanalizm, adzin ź niamnohich, chto žalezabietonna viedaje, čaho choča prezident ad KDB».

Alaksandr Łukašenka nahadaŭ, što ŭ pačatku biahučaha hoda na kalehii KDB užo abmiarkoŭvalisia najaŭnyja ŭ viedamstvie prablemy. «Tady mnoju davalisia ŭkazańni pierahledzieć padychody ŭ pracy z asabistym składam. Adnak, da majho žalu, naležnyja vysnovy zrobleny nie byli. Bolš za toje, niekatoryja prablemy jašče bolš abvastrylisia, stali nabyvać niehatyŭny hramadski rezanans». Tut Łukašenka ŭzhadaŭ pra sychod z žyćcia padpałkoŭnika Kazaka. «Naturalna ja byŭ vymušany źviarnuć uvahu na takuju ​​situacyju i pryniać surjoznyja zachady. Spačatku byŭ adpraŭleny ŭ adstaŭku načalnik upraŭleńnia ŭłasnaj biaśpieki KDB, a śledam i staršynia».

I jon dadaŭ: «Tym nie mienš, jašče raz chaču padkreślić, kali chtości dumaje, što Zajcaŭ — heta drenny i niahodny dla KDB čałaviek… Moža, jon i niahodny, ale nie tamu, što jon drenna słužyŭ. Jon pa-svojmu razumieŭ svaje zadačy. Bolš za toje, jon razam z vami vyrašaŭ hetyja zadačy, i na asobnych kirunkach vielmi efiektyŭna», — skazaŭ Alaksandr Łukašenka.

U pryvatnaści, pa słovach Łukašenki, rabota orhanaŭ dziaržbiaśpieki nabyła bolš sistemny i naceleny na pradmietnaje rašeńnie zadač charaktar. Pavysiŭsia ŭzrovień infarmacyjna-analityčnaj dziejnaści, kontrvyviednickaha zabieśpiačeńnia dziaržaŭnych orhanaŭ. Pryniaty miery pa aktyvizacyi infarmacyjnaha supraćstajańnia ź niadobrazyčliŭcami i destruktyŭnymi siłami, pa ŭmacavańni vykanalnickaj i voinskaj dyscypliny siarod supracoŭnikaŭ KDB. «Ale była masa chibaŭ, jakija nieprymalnyja dla KDB», — zajaviŭ Łukašenka. Jon taksama dadaŭ: «Zajcaŭ biez pracy nie zastaniecca. I nichto jaho z krainy nie źbirajecca vyšturchoŭvać».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?