Minskija ŭłady admovilisia ad płanaŭ budaŭnictva na terytoryi parku Družby Narodaŭ stadyjona, paviedamili BiełaPAN u pres-słužbie ekałahičnaha tavarystva «Zialonaja sietka». Pra heta čynoŭniki infarmavali ŭ adkazie na zvarot hramadzian.

Takoje rašeńnie pryniata «z ulikam rehłamientu hienieralnaha płana Minska, a taksama zychodziačy z kateharyčnaj niazhody miascovych žycharoŭ adnosna raźmiaščeńnia hramadska-spartyŭnaha centra ŭ parku Družby Narodaŭ», paviedamili ekołahi.

Jak paviedamlałasia raniej, 29 kastryčnika prykładna tysiaču podpisaŭ za zachavańnie parku Družby Narodaŭ pieradali aktyvisty kampanii «Havary praŭdu!» va ŭładnyja struktury:
administracyju Savieckaha rajona, Minharvykankam, a taksama deputatam Pałaty pradstaŭnikoŭ i Minharsavieta. Taksama prykładna 500 podpisaŭ sabrała inicyjatyŭnaja hrupa ź miascovych žycharoŭ.
U parku Družby Narodaŭ płanavałasia pabudavać hramadska-spartyŭny kompleks: futbolnaje pole z trybunami na 2 tys. miescaŭ, kafe, mahazin, parkoŭku na 170 miescaŭ.
Budaŭnictva takoha kompleksu paciahnuła b masavuju vysiečku dreŭ. Baraćbu žycharoŭ Savieckaha rajona padtrymali i inšyja žychary horada. U adkrytym zvarocie, padpisanym aktyvistami mikrarajonaŭ Uschod-2 i Uručča-2, utrymoŭvaŭsia zaklik da haradskoj administracyi admovicca ad płanaŭ pa budaŭnictvie spartyŭnaha centra ŭ parku Družby Narodaŭ. Jany ličyli, što nie treba «pravakavać nieabdumanymi rašeńniami sacyjalnyja kanflikty i zychodzić ź intaresaŭ hramadskaści pry raspracoŭcy horadabudaŭničaj dakumientacyi».
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?