Pavodle źviestak Nacyjanalnaha statystyčnaha kamiteta, tavaraabarot z krainami ES u studzieni-vieraśni 2012 hoda pavialičyŭsia na 22,3% i skłaŭ 21 młrd. 363,5 młn. dołaraŭ.

Ekspart pavialičyŭsia na 32,1% (14 młrd. 871,9 młn. dołaraŭ), impart vyras na 4,4% (6 młrd. 491,6 tys. dołaraŭ). Stanoŭčaje salda skłała 8 młrd. 380,3 młn. dołaraŭ.

Asnoŭnymi handlovymi partniorami Biełarusi ŭ studzieni-vieraśni 2012 hoda byli:
Rasija (46,9% ahulnaha abjomu tavaraabarotu), Niderłandy (9,9%), Ukraina (8,4%), Łatvija (4,5%), Hiermanija (4,4%), Kitaj (2,7%), Polšča (2,4%), Litva (1,7%), Italija (1,6%), Brazilija (1,2%).

Z ahulnaha abjomu biełaruskaha ekspartu na dolu Rasii prypadała 32,9%, inšych krain SND — 15,5%, krain ES — 41,2%, astatnich krain — 10,4%. Impart z Rasii skłaŭ 61,6% ahulnaha abjomu impartu, inšych krain SND — 5,4%, krain ES — 18,7%, astatnich krain — 14,3%.

Ekspart tavaraŭ u Rasiju skłaŭ 11 młrd. 859,4 młn. dołaraŭ ZŠA, što na 9,1% bolš, čym za studzień-vierasień 2011 hoda; impart z Rasii — 21 młrd. 409,1 młn. (na 18,2% bolš).

Abjom ekspartu va Ukrainu dasiahnuŭ 4 młrd. 253 młn. dołaraŭ (u 1,45 razu bolš), impartu ŭ Biełaruś z hetaj krainy — 1 młrd. 681,5 młn. (na 13,8% bolš).

U Niderłandy ekspartavana tavaraŭ na 6 młrd. 703,7 młn. dołaraŭ (u 1,63 razu bolš pakazčyka studzienia-vieraśnia 2011 hoda), impartavana z hetaj krainy na 316,2 młn. (na 4,4% bolš).

U Łatviju ekspart vyras u 1,35 raza da 3 młrd. 79,8 młn. dołaraŭ, impart z hetaj krainy — na 19,4% da 106,4 młn. dołaraŭ.

U Hiermaniju u studzieni-vieraśni 2012 hoda ekspartavana tavaraŭ na 1 młrd. 305 młn. dołaraŭ (na 5,3% mienš), impartavana z hetaj krainy 1 młrd. 837,1 młn. (na 0,3% bolš).

Abjom ekspartu ŭ Kitaj skłaŭ 387,1 młn. dołaraŭ (na 15,6% mienš), impartu — 1 młrd. 549 młn. (na 4,6% bolš).

Ekspart u Polšču skłaŭ 740,1 młn. (na 15,5% mienš), impart z hetaj dziaržavy — 977,6 młn. (na 3,8% bolš).

Ekspart u Litvu skłaŭ 935,9 młn. (na 61,2% bolš), impart — 256,5 młn. (na 17,9% bolš).

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?