Śledčym kamitetam zavieršana rasśledavańnie kryminalnaj spravy ŭ dačynieńni da Alaksandra Varłamava — dyrektara PUP «Ahienctva mody Sašy Varłamava», byłoha mastackaha kiraŭnika centra sučasnaha stylu i mody Universum models upraŭleńnia pa spravach kultury BDU, byłoha namieśnika staršyni arhanizacyjnaha kamiteta respublikanskaha fiestyvalu-konkursu mody i fota «Młyn mody» i načalnika Centra maładziožnaj mody BDU.

Jak paviedamili ŭ adździele infarmacyi i suviazi z hramadskaściu SK, Varłamavu pradjaŭlena kančatkovaje abvinavačańnie va ŭčynieńni złačynstvaŭ, jakija praduhledžvajuć adkaznaść za ŭčynieńnie machlarstva ŭ asabliva bujnym pamiery (č.4 art. 209 KK), kradziež šlacham złoŭžyvańnia słužbovymi paŭnamoctvami ŭ bujnym pamiery (č. 3 art. 210 KK), prysvajeńnie majomaści (č. 2 art. 211 KK), uchileńnie ad vypłaty padatkaŭ (č. 1 art. 243 KK), złoŭžyvańnie słužbovymi paŭnamoctvami (č. 3 art. 424 KK).

U jakaści śviedak pa kryminalnaj spravie dapytana bolš jak 800 čałaviek. Paciarpiełymi pryznanyja 353 asoby.

Pavodle danych śledstva, ahulny materyjalny ŭron, naniesieny złačynnymi dziejańniami Varłamava, skłaŭ bolš jak 1 młrd. 200 miljonaŭ rubloŭ.

Materyjały kryminalnaj spravy pieradadzieny ŭ Hienieralnuju prakuraturu dla pryniaćcia rašeńnia ab nakiravańni ŭ sud. Miera strymańnia ŭ dačynieńni da abvinavačvanaha ŭ vyhladzie źmiaščeńnia pad vartu nie źmianiałasia.

Varłamaŭ byŭ źmieščany pad vartu 20 maja 2011 hoda.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?