Pa słovach načalnika ŭpraŭleńnia handlu i pasłuh Minharvykankama Aksany Kanstancinovič, abyjści hetuju zabaronu amatary tannaha vina zmohuć vielmi lohka.

«Łakalnaja zabarona małaefiektyŭna, bo dziejničaje tolki na terytoryi horada Minska. A na terytoryi Minska raźmieščanyja dva vialikija bujnaroźničnyja pradpryjemstvy — Jeŭraopt i Bigzz. Jany znachodziacca pa-za terytoryjaj horada — heta Minski rajon i na ich hetaja zabarona nie raspaŭsiudžvajecca. Luby žadajučy sieŭ na hramadski transpart, dajechaŭ i nabyŭ ŭsio, što zachacieŭ. Takim čynam toj, chto choča vypić, jon znojdzie, dzie heta nabyć».

Da ŭsiaho, dadaje surazmoŭca, u hetych hipiermarkietach mohuć «zatarvacca» tyja, chto sam nie pje, ale zachoča na hetaj zabaronie zarabić.

Maŭlaŭ, takija handlary buduć nabyvać «čarniła», a potym pradavać pa zavyšanym košcie tym, chto sam vyjechać za Kalcavuju nie maje mahčymaści.

Pa słovach Kanstancinovič, słovy kiraŭnika krainy nakont małaefiektyŭnaści zabarony, nie majuć da novaha rašeńnia čynoŭnikaŭ Minharvykankama nijakich adnosinaŭ. Ale admietna, što hetyja «pieraraźliki» imi byli zroblenyja 16 listapada, na nastupny dzień, paśla vykazvańniaŭ Alaksandra Łukašenki na hety kont padčas narady pa pytańniach refarmavańnia MUS.

Nahadajem, 1 listapada Minharvykankam pryniaŭ rašeńnie ab zabaronie prodažu macavanych sadavina-jahadnych vinaŭ na terytoryi Minska z 1 śniežnia 2012 hoda da 1 lutaha 2013 hoda.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?