Sud Maskoŭskaha rajona stalicy nie zadavoliŭ isk zajaŭnikaŭ «Čarnobylskaha šlachu» da Minharvykankama. Pra heta BiełaPAN paviedamiŭ adzin z zajaŭnikaŭ akcyi člen Partyi BNF Juryj Ziańkovič.

Nahadajem, arhanizatary šeścia ŭ sudzie sprabavali asprečyć rašeńnie Minharvykankama, u adpaviednaści ź jakim byŭ dadzieny dazvoł na praviadzieńnie ŭ stalicy «Čarnobylskaha šlachu — 2007», adnak źmienieny maršrut ruchu demanstrantaŭ i miesca praviadzieńnia akcyi.

Jak paviedamiŭ BiełaPAN Ju.Ziańkovič, haradskija ŭłady dazvolili pravieści šeście 26 krasavika z rucham pa tratuarach ad budynka prezidyuma Nacyjanalnaj akademii navuk Biełarusi pa vulicy Surhanava da płoščy Banhałor ź mitynham u parku Družby narodaŭ z 20.00 da 22.00. «Adnak my zajavili ab niazhodzie z hetym rašeńniem Minharvykankama, jakoje pryniata z parušeńniem zakanadaŭstva, tamu što było źmieniena miesca praviadzieńnia mierapryjemstva biez uzhadnieńnia ź jaho zajaŭnikami. Heta my sprabavali asprečyć u sudzie. Ale, jak i čakałasia, sud byŭ na baku Minharvykankama», — skazaŭ Ju.Ziańkovič.

Pavodle jaho słoŭ, «sud zakončyli jak maha chutčej». «Heta nie pravasudździe. I my abaviazkova padadzim kasacyjnuju skarhu na hetaje rašeńnie», — zaznačyŭ Ju.Ziańkovič.

Jak zajaviŭ aktyvist, niezaležna ad rašeńnia suda, arhanizatary akcyi buduć dziejničać «u adpaviednaści sa svaimi płanami».

Nahadajem, arhanizatary mierapryjemstva majuć namier pryjści ŭ 18.00 da zajaŭlenaha raniej miesca zboru — na płošču Jakuba Kołasa, kab nakiravać ludziej, jakija źbiarucca tam, da dazvolenaha miesca zboru — placoŭki kala Nacyjanalnaj akademii navuk. Dalej płanujecca pravieści šeście pa dazvolenym maršrucie da Čarnobylskaj kaplicy na vulicy Karastajanavaj i tam ušanavać pamiać achviar katastrofy 21‑j chvilinaj maŭčańnia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?