Papularny kamiedyjny vobraz brytanca mistera Bina pierastanie isnavać — vykanaŭca roli — akcior Roŭen Atkinsan pryniaŭ rašeńnie raźvitacca z hetym vobrazam i pieraklučycca na dramatyčnych piersanažaŭ, paviedamlaje The Telegraph.

U intervju haziecie akcior pryznaŭ, što kali ty ŭ takim uzroście praciahvaješ vykonvać «dziciačyja» roli, heta vyhladaje «davoli sumna».

«Usia hetaja historyja pryniesła mnie vielizarny kamiercyjny pośpiech, ale jana dziciačaja i patrabuje vialikaj fizičnaj aktyŭnaści. Dumaju, što ja budu ŭsio mienš i mienš hrać Bina», — skazaŭ Atkinsan.

Jon pryznaŭsia, što niekalki stamiŭsia ad taho, što jaho da hetaha času asacyjujuć tolki z samym viadomym jaho hierojem.
Ciapier Atkinsan maje namier zasiarodzicca na dramatyčnych rolach u łondanskim Viest-endzie — rajonie mnostva papularnych dramatyčnych i muzyčnych teatraŭ.

Mister Bin źjaviŭsia na telebačańni ŭ 1990 h. Kamiedyjny sieryjał zaviaršyŭsia piać hadoŭ praz, adnak da hetaha času heta samy papularny vobraz Atkinsana. Pra mistera Bina byŭ taksama źniaty paŭnamietražny film. Papularnaść Bina adlustroŭvaje jaho ŭdzieł u cyrymonii adkryćcia łondanskaj Alimpijady.

Mister Bin padčas adkryćcia Alimpijady ŭ Łondanie

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?