Źjaviŭsia film režysiora Volhi Mikałajčyk pra zmahara-patryjota, byłoha palitviaźnia, maładafrontaŭca i siabra BCHD Uładzia Jaromienka.

Hety karotkamietražny dakumientalny film byŭ prezentavany ŭ aŭtorak 13 listapada ŭ miežach «Marafona Salidarnaści» ź biełaruskimi palitviaźniami, jakraz u toj čas, jak sam Uładź adbyvaje čarhovaje administratyŭnaje pakarańnie ŭ sumnaviadomym śpiecpryjomniku na Akreścina za antykamunistyčnuju akcyju napiaredadni 7 listapada.

    Film zrobleny ŭ miežach prajekta «Salidarnaść» pry dapamozie češskaj niaŭradavaj arhanizacyi «Ludzi ŭ niadoli». Praciahłaść — 13 chv.
    Uładź Jaromienak — adzin z amal paŭsotni čałaviek, jakija patrapili pad kryminalny pieraśled paśla mirnaj akcyi pratestu suprać falšyvavańnia prezidenckich vybaraŭ 19 śniežnia 2010 h. hoda ŭ Minsku. Šmatlikija biełaruskija palitviaźni tryvajuć katavańni i biesčałaviečnaje abychodžańnie ŭ biełaruskich turmach. Navat paśla vyzvaleńnia jany, jak Uładź, pazbaŭlenyja prava na pracu i vučobu.
    Za čas paśla daterminovaha vyzvaleńnia z turmy ŭ 2011 h. Uładź Jaromienak bolš za 10 razoŭ traplaŭ za kraty pa sfabrykavanych abvinavačvańniach u administracyjnych pravaparušeńniach. U nialudzkich kancłahiernych umovach minskaha SIZA pa zav. Akreścina Uładź napraciahu 2012 h. pravioŭ bolš jak 150 sutak, časam pa 30 sutak zapar.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?