17 listapada ŭ Minsku prajšoŭ ChICh Mižnarodny turnir pa hreka-rymskaj baraćbie pamiaci alimpijskaha čempijona Aleha Karavajeva. Najmacniejšaj u hetych kamandnych spabornictvach stała zbornaja Rasii, jakaja pieramahła ŭ finale kamandu Azierbajdžana.

Biełaruskija barcy va ŭpartaj baraćbie z ukrainskimi atletami zavajavali bronzavyja ŭznaharody turniru.

U hetym turniry ŭpieršyniu mahli brać udzieł barcy, nie starejšyja za 23 hady. Novaŭviadzieńnie maje stać šturškom dla prychodu moładzi ŭ kamandu Biełarusi,
mahčymaściu paraŭnać uzrovień maładych barcoŭ u roznych krainach.
U spabornictvach uziali ŭdzieł vosiem zbornych - Azierbajdžana, Kazachstana, Litvy, Rasii, Ukrainy, Polščy i dźvie kamandy Biełarusi.
Aleh Karavajeŭ staŭ pieršym biełaruskim alimpijskim čempijonam pa hreka-rymskaj baraćbie, jakaja raniej nazyvałasia kłasičnaj. U 1960 hodzie ŭ Rymie na ChVII letnich Alimpijskich hulniach jon atrymaŭ pieramohu ŭ vahavoj katehoryi da 57 kh.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?