Sam ja ź Lidy, vučusia ŭ Polščy. Minuły akademičny hod ja pražyŭ u internacie ŭ adnym pakoi z chłopcam ź ispanskaha horada Sarahosa, jaki pryjechaŭ u Polšču pa studenckim abmienie.

U Jeŭropie kožny student za čas vučoby pravodzić hod ci dva ŭ roznych zamiežnych navučalnych ustanovach: dla žyćciovaha vopytu i movaŭ.
A sioleta ja adpraviŭsia da Hijerma ŭ hości i žyŭ u jaho ŭ studenckim internacie.

Zajści ŭ internat čužaku niezaŭvažna niemahčyma. U chole stajać kamiery nazirańnia i siadzić vachciorka, jakaja pamiataje kožnaha žychara ŭ tvar.

Vachciorka jak vachciorka, ale pa ispanskaj tradycyi pry znajomstvie abniała mianie, vietliva pryvitała, bo ŭ internacie ŭsio jak by pa-siamiejnamu,
i Hijerma ŭžo zaranioŭ jaje papiaredziŭ, što ja pryjedu i budu nočyć.

Z majho siniaha pašparta z nadpisam «Respublika Biełaruś» pierapisali źviestki, i možna było iści.

Supierieŭraramontaŭ tut niama, usio zroblena vielmi ścipła, ale maksimalna zručna. Budynak vykanany ŭ takim klučy, što pakoj vykarystoŭvajecca tolki dla taho, kab tam spać. U im tolki łožak, stoł i šafa. Dla ŭsiaho astatniaha jość čytalnaja zała, dla adpačynku — t.zv. living room, albo pa-ispansku salon, jość supolnyja kuchni j dušavyja. Bolšaść času studenty baviać akurat u sałonie.

Na kožnym paviersie jość telefonnaja budka.

Kali da kaho-niebudź z paviercha zvoniać, najbližejšaja asoba padymaje słuchaŭku i pačynaje na ŭsio horła raŭści: «Maryjo!!!!!»
Paśla čaho ź niekatorych pakojaŭ vysoŭvajucca hałovy dziaŭčat, jakija pierapytvajucca: «Maryja?». Vyhladaje heta śmiešna i pa-ispansku. Karaciej, miascovy pierahavorny punkt.
Trapiŭ ja ŭ Sarahosu pad Dziady.
Tak što pabyvaŭ na Chełoŭinie. Skažu vam, što byŭ pryjemna ŭražany.
Ispancy niezdarma źjaŭlajucca čempijonami śvietu pa futbole. Jany vialikija kalektyvisty.
Usia viečaryna ŭ internacie arhanizoŭvałasia vyklučna studentami. Jany ŭsie sabralisia ŭ sałonie i ceły viečar vydumlali prahramu, rabili kaściumy, rychtavali tancy i h.d. Zadača była stvaryć prahramu-žart ź inšych pavierchaŭ. Usio heta adbyvałasia ŭ atmaśfiery «rassłabonu». Z raspoviedaŭ majho siabra,
tut u pryncypie niama takoha paniaćcia, jak nie rabić usiaho z usimi. Usie prablemy studenty vyrašajuć hurtam i pad piva.

Paśla śviata ŭsiu noč huła muzyka, i internat nahadvaŭ dzieviacipaviarchovuju dyskateku. Ale

kala 7-j ranicy, pierad tym jak zavalicca spać, usie družna zbolšaha paspratavali śmiećcie, kab prybiralščycam zranku było mienš pracy.
Bližej da abiedu, kali my vychodzili ź internatu i bolšaść, naturalna, jašče spała, ja ŭbačyŭ praz škło chłopca, jaki adzinoka niešta vučyŭ u čytalnaj zale. Hijerma skazaŭ, što jon učora na daskatecy byŭ, ale ničoha nie piŭ, bo chutka maje niejki važny ekzamien. Takoje voś studenckaje žyćcio. I pahulać chočacca, i vučycca treba.

Pry hetym chaciełasia b padkreślić cikavy fakt.

Miesca ŭ pakoi kaštuje kala 300 jeŭra ŭ miesiac. Heta daražej, čym zdymać kvateru,
bo ŭ Sarahosie dobry pakoj možna znajści za 200–250.
Studenty tut žyvuć nie dla taho, kab sekanomić hrošy, a dla taho, kab žyć viesieła j siarod svaich.
Studenty nie zamykajuć pakojaŭ, bo, pa-pieršaje, adčuvajuć siabie biaśpiečna, a pa-druhoje, daviarajuć.
Adzinaje, što studenty zamykajuć, — heta svaje tumby z praduktami na kuchni. U kožnaha jana svaja. Moj siabar adrazu skazaŭ: «Što pakinieš na stale — źjaduć».

Uvohule, u hetym internacie ja adčuŭ siabie jak u kamunie. Pry hetym tut niama vychavacielnic i naziralnikaŭ, jość vachcior, i ŭsio.

Ale davajcie pabačym zdymki.

Tak vyhladaje budynak internata.

Tak vyhladaje budynak internata.

Zvyčajny pakoj ispanskaha studenta.

Zvyčajny pakoj ispanskaha studenta.

Dušavyja i tualety - na ŭsich, na paviersie. Piersanał prybiraje ich kožny dzień.

Dušavyja i tualety - na ŭsich, na paviersie. Piersanał prybiraje ich kožny dzień.

Sałon - adzin na dva pavierchi. Paśla viečaryny vyhladaje nie najlepš.

Sałon - adzin na dva pavierchi. Paśla viečaryny vyhladaje nie najlepš.

Kuchnia - na ceły pavierch adna.

Kuchnia - na ceły pavierch adna.

Kožny ŭ kuchni maje šafku pad zamočkam i miesca ŭ ladoŭni.

Kožny ŭ kuchni maje šafku pad zamočkam i miesca ŭ ladoŭni.

Kožnyja dva pavierchi złučanyja ŭnutranaj leśvicaj.

Kožnyja dva pavierchi złučanyja ŭnutranaj leśvicaj.

Zvyčajnyja lifty.

Zvyčajnyja lifty.

Telefonnaja budka.

Telefonnaja budka.

Viečaryna z nahody Chełoŭina.

Viečaryna z nahody Chełoŭina.

Žarty było zrazumieć ciažka, bo žartavali adzin z adnaho, a tamu pabočny byŭ "nie ŭ temie".

Žarty było zrazumieć ciažka, bo žartavali adzin z adnaho, a tamu pabočny byŭ "nie ŭ temie".

Biez žartaŭ z palicyi nie abyšłosia.

Biez žartaŭ z palicyi nie abyšłosia.

Miascovaja publika.

Miascovaja publika.

Vialikaja zała dla viečarynaŭ paśla Chełoŭina.

Vialikaja zała dla viečarynaŭ paśla Chełoŭina.

A vy ŭ jakich krainach žyli ŭ internatach, apščažycijach, hurtožytkach, fuaje d'etiudjan, kaza dello studente? Jakija tam zvyčai j paradki? Što z hetaha varta zavieści ŭ Biełarusi?

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?