20 krasavika

Samim brydka stała
Kryminalnaja sprava ŭ dačynieńni da Andžeja Lisoŭskaha zakrytaja. Nahadajem, 29 kastryčnika 2006 h. u jaho aŭtamabili, jakim ź Vilni viartałasia nie pryznanaja ŭładami liderka Sajuzu palakaŭ Anžalika Borys, mytniki znajšli nieviadomy parašok. Načalnik Haradzienskaj rehijanalnaj mytni Jury Siańko zajaviŭ, što heta amfetamin. Padazravanym u kantrabandzie narkotykaŭ byŭ pryznany A.Lisoŭski. Ciapier śledčy KDB Aleh Hrynievič paviedamiŭ, što Lisoŭski moža zabrać mašynu, jakaja znachodziłasia na stajancy UKDB. Taksama jon paviedamiŭ, što kryminalnaja sprava suprać Lisoŭskaha spynienaja, ale pa fakcie kantrabandy narkotykaŭ śledztva idzie. Lisoŭski kaža, što ŭ aŭto zamiest novaha akumulatara apynuŭsia čužy i stary.

Sprava šaści
Baranavicki aktyvist niezarehistravanaha «Maładoha frontu» Jarasłaŭ Hryščenia staŭ siomym siabram «MF», suprać jakoha pačali kryminalnuju spravu za ŭdzieł u niezarehistravanaj arhanizacyi. Spravy suprać Nasty Pałažanki, Alaksieja Janušeŭskaha, Barysa Hareckaha j Źmitra Chviedaruka znachodziacca ŭ sudzie Savieckaha rajonu Miensku. Zaviedzienaja sprava j na Aleha Korbana. Lider «MF» Źmicier Daškievič adbyvaje pakarańnie ŭ Škłoŭskaj kalonii.

Sud pakinuŭ bieź źmianieńniaŭ
Mahiloŭski abłasny sud adchiliŭ apelacyju moładzievaha aktyvista Antona Ŭścimčuka. 2 krasavika Leninski rajsud daŭ jamu 7 sutak aryštu pavodle art.17‑1 KaAP (drobnaje chulihanstva). Maładzion byŭ zatrymany napiaredadni Dnia Voli. Praces viała sudździa Lilija Hurynovič.

Levanieŭskamu viarnuli rečy
Lideru pradprymalnikaŭ Valerju Levanieŭskamu viarnuli kanfiskavanyja rečy. 12 sakavika aŭtamabil Levanieŭskaha byŭ zatrymany supracoŭnikami DAI pa darozie ŭ Miensk na mitynh pradprymalnikaŭ. Fotaaparat, dyktafon, mehafon, aŭtanomny hieneratar i inšyja rečy Levanieŭskaha i Vasiljeva, jakija znachodzilisia ŭ mašynie, kanfiskavali biez tłumačeńniaŭ i naležnaha afarmleńnia. Tak i nie viarnuli kopii zvarotu sp.Levanieŭskaha ŭ Administracyju prezydenta i Saviet ministraŭ, jakija paličyli za ŭlotki.

U abaronu «Maładoha frontu»
Na centralnych vulicach Miensku, u pierachodach, kala stancyjaŭ metro j hramadzkaha transpartu źjavilisia ŭlotki z zaklikam spynić represii suprać aktyvistaŭ «MF» i partrety maładafrontaŭcaŭ, jakich sudziać.

Fłeš‑mob u padtrymku Klimava
U Miensku prajšoŭ fłeš‑mob u padtrymku Andreja Klimava. Dziesiać maładych ludziej sabralisia na płoščy Jakuba Kołasa i prajšli da handlovaha centru «Impuls» z partretami aryštavanaha palityka, razdali minakam ulotki ź bijahrafijaj Klimava. Nichto nia byŭ zatrymany.

Moładź buntujecca
Aktyvisty moładzievaha ruchu «Bunt» źbirali ŭ centry Miensku podpisy i razdavali ŭlotki suprać zakonaprajektu pra skasavańnie lhotaŭ. U ich havaryłasia, što ŭrad źbirajecca skasavać ilhotny prajezd u hramadzkim transparcie dla studentaŭ i školnikaŭ, a taksama dla dziaciej‑invalidaŭ.

22 krasavika

Performans z «Zaparožcam»
Na adno z centralnych skryžavańniaŭ Barysava byŭ vyviezieny stary, pabity aŭtamabil «Zaparožac». Na bakoch u jaho było napisana «Dyktatura dastała!».

23 krasavika

Mienharvykankam papiaredžvaje
Zajaŭniki akcyi z nahody Dnia Voli, jakaja prajšła ŭ Miensku 25 sakavika, atrymali piśmovyja papiaredžańni Mienharvykankamu. Jany adrasavanyja lideru abjadnanych demsiłaŭ Alaksandru Milinkieviču, lideru Partyi BNF Vincuku Viačorku, vykanaŭcu abaviazkaŭ kiraŭnika Biełaruskaj sacyjał‑demakratyčnaj partyi (Hramada) Anatolu Laŭkoviču i namieśniku staršyni Abjadnanaj hramadzianskaj partyi (AHP) Iharu Šynkaryku. U liście za podpisam namieśnika staršyni Mienharvykankamu Michaiła Ciciankova adznačajecca, što ŭ harvykankam pastupili «šmatlikija zvaroty mienčukoŭ i haściej stalicy», u jakich vykazany «pratest suprać praviadzieńnia niesankcyjanavanych Mienharvykankamam šeściaŭ i mitynhu, jakija adbylisia 25 sakavika».

U Kurapatach — novy vandalizm
Nieviadomyja złamyśniki złamali šeść kryžoŭ i niekalki paškodzili. Akt vandalizmu zaśviedčyli ŭdzielniki tałaki, jakuju ładzić štosubotu Kanservatyŭna‑chryścijanskaja partyja BNF. Takoje ŭ Kurapatach čynicca ŭvieś čas. Tolki «Łavu Klintana», ad času jaje ŭstalavańnia ŭ 1994 h., łamali adzinaccać razoŭ. Adnak milicyja dahetul nia vyjaviła nivodnaha złačyncy.

Prabili koły aŭtamabila Kulej
Nieviadomyja prabili koły i napisali «Dziakuj za adukacyju» na mašynie kiraŭnicy Kamitetu dapamohi represavanym «Salidarnaść» Iny Kulej. Žonka A.Milinkieviča ličyć, što heta pravakacyja tych, chto baicca prahramy Kastusia Kalinoŭskaha. Analahičnyja metady psychalahičnaha ŭździejańnia ŭžyvalisia ŭ saviecki čas, naprykład, suprać Vasila Bykava i dysydentaŭ.

Ułady nia lubiać
Haradzienski harvykankam admoviŭ u rehistracyi haradzkoj piarvičnaj arhanizacyi prafsajuzu pracaŭnikoŭ radyjoelektronnaj pramysłovaści (REP). Pavodle admovy, prafsajuz spaźniŭsia z padačaj dakumentaŭ.

Zajaŭniki «Šlachu» sudziacca
Zajaŭniki «Čarnobylskaha šlachu» Alaksiej Janukievič, Anatol Sidarevič, Jury Ziankovič i Valancina Palevikova padali ŭ sud Maskoŭskaha rajonu Miensku skarhu na rašeńnie Mienharvykankamu. Arhanizatary prasili dazvolić «Čarnobylski Šlach» 26 krasavika a 18.00 na płoščy Jakuba Kołasa. Mienharvykankam dazvoliŭ iści ad Akademii navuk da płoščy Banhałor. Zajaŭniki ličać, što hetym Mienharvykankam parušyŭ art.6 Zakonu ab praviadzieńni masavych akcyj, bo rašeńnie prymałasia biez uzhadnieńnia z zajaŭnikami. Arhanizatary majuć namier pryjści 26 krasavika a 18.00 na płošču Jakuba Kołasa.

Sivakova apraŭdali
Mienharsud nie zadavoliŭ kasacyjnuju skarhu Valanciny Śviackaj. Žančyna prasiła skasavać rašeńnie sudu Frunzenskaha rajonu Miensku, jaki pastanaviŭ nie pryciahvać da adkaznaści byłoha ministra ŭnutranych spraŭ Jurja Sivakova. Zajaŭnica taksama damahajecca maralnaj i materyjalnaj kampensacyi ad Biełaruskaj asacyjacyi veteranaŭ specpadraździaleńniaŭ MUS «Honar». Padstavaj dla zvarotu ŭ sud stała publikacyja Jurja Sivakova ŭ časopisie asacyjacyi «Žurnał śpiecialnoho naznačienija», u jakoj aŭtar cytavaŭ Hitlera.

Ułady šuhajucca
U časie pajezdki Alaksandra Milinkieviča pa zabrudžanych rajonach u niekatorych dziciačych internatach u jaho admovilisia brać padarunki. Niby tudy telefanavali pradstaŭniki ŭładaŭ i zahadvali ničoha nia brać.

Ckavańnie dziaciej Kazulina i Labiedźki
U BDU pačali chodziać čutki pra mahčymaje zakryćcio fakultetu mižnarodnych dačynieńniaŭ. I źviazana heta nie ź nieabchodnaściu rearhanizacyi navučalnaha pracesu ci pavyšeńnia efektyŭnaści kiravańnia, a z proźviščami dvuch studentaŭ — Juli Kazulinaj i Arcioma Labiedźki. Studentaŭ fakultetu pierakonvajuć, što praz hetych dvuch «tavaryšaŭ» uźnikajuć prablemy va ŭsiaho fakultetu.

Zatrymlivajuć pierad Šlacham
U paniadziełak, a 20‑j u Miensku na moście, što złučaje vulicu Maskoŭskuju i praspekt Niezaležnaści, byli zatrymanyja Śviatłana Pankaviec, Jury Žyhałka, Eduard Zacharaŭ i Alaksandar Stasiuk. Jany raspaŭsiudžvali nalepki, što zaklikali ludziej pryjści na «Čarnobylski šlach» 26 krasavika. Usie jany praviali noč u RUUS Maskoŭskaha rajonu. 24 krasavika sudździa Savieckaha rajsudu ŭsich zasudziŭ na 5‑7 sutak aryštu.

Клас
0
Панылы сорам
0
Ха-ха
0
Ого
0
Сумна
0
Абуральна
0