Pavodle infarmacyi hałoŭnaha sinoptyka Respublikanskaha hidramietcentra Volhi Fiadotavaj, soniečnaje kamfortnaje nadvorje pratrymajecca tolki ŭ čaćvier—piatnicu.

Adnak užo ŭ subotu miescami projduć karotkačasovyja daždžy. Tempieratura pavietra ŭnačy 4—9 hradusaŭ ciapła, a ŭdzień — 13—19, na Brestčynie — da 22 hradusaŭ. Karotkačasovyja daždžy, hałoŭnym čynam, pa ŭschodu krainy zachavajucca i ŭ niadzielu, a ŭnačy tempieratura pavietra čakajecca ŭ miežach ad minus 1 da 5 hradusaŭ ciapła.

Samyja istotnyja zamarazki čakajucca ŭ noč na 30 krasavika i 1 maja, kali budzie ad 3 hradusaŭ marozu da 2 ciapła. Dzionnaja tempieratura ŭ niadzielu, paniadziełak i aŭtorak budzie nie vyšej 6—12 hradusaŭ, tolki 29 krasavika pa paŭdniovamu zachadu da 15—17 hradusaŭ.

Sinoptyki padličyli, što ŭ hetyja dni tempieratura pavietra ŭdzień u Minsku budzie nie vyšej 7—10 hradusaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?