Čatyry staryja zdymki nievialikaj vioski Čapuń, jakaja znachodzicca ŭ Iŭjeŭskim rajonie, pradajucca ciapier na internet aŭkcyjonie ebay.

Zdymki vykanany padčas Pieršaj suśvietnaj vajny ŭ 1916–1917 hadach niamieckimi žaŭnierami.

Žaŭniery na niamieckich mohiłkach

Žaŭniery na niamieckich mohiłkach

Telefonnyja słupy ŭ 1917 hodzie

Telefonnyja słupy ŭ 1917 hodzie

Čapuń. Zima.

Čapuń. Zima.

Čapuń. Zima

Čapuń. Zima

Sama vioska ŭpieršyniu zhadvajecca ŭ 1561 hodzie, ale zrazumieła, što nijakich starych vyjavaŭ amal nie zachavałasia. Tolki dziakujučy vajnie i kajzieraŭskim sałdatam možna pabačyć jaje krajavidy.

Na adnym sa zdymkaŭ niamieckija žaŭniery źnialisia kala mahiłaŭ svaich tavaryšaŭ.

Hetyja mohiłki zachavalisia dasiul. Kamienny pomnik tolki častkova źniščany, a voś ad mahiłaŭ i draŭlanych kryžoŭ kala jaho nie zastałosia i śledu.

Na druhim zdymku možna pabačyć, što telefanizacyja Čapunia raspačałasia na dziasiatki hadoŭ raniej ad aficyjnaj savieckaj. Niamieckija telefanisty stavili pa vioscy słupy z dratami jašče ŭ mai 1917 hoda. Praŭda, miascovyja žychary nie mahli tady vyklikać pa telefonie «chutkuju dapamohu» ci navat prosta skarystacca suviaźziu. Jana pryznačałasia tolki dla vajskovych metaŭ.

Jašče dva zdymki pradstaŭlajuć Čapuń zimoju. Ale na ich tolki krajavidy i budynki. Na žal, zdymki z žycharami vioski pakul nie pradstaŭlenyja na aŭkcyjonie. Možna, adnak, spadziavacca, što takija taksama isnujuć u šmatlikich vajennych albomach, jakija zachoŭvajucca ŭ niamieckich siemjach.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?