«My nie finansujem biełaruskuju apazicyju, my dapamahajem hramadzianskaj supolnaści ŭ Biełarusi — heta roznyja paniaćci», — zajaviŭ pasoł Polščy Lešek Šarepka siońnia na pres-kanfierencyi ŭ Minsku.

Adno z pytańniaŭ datyčyłasia dakumienta, jaki niadaŭna źjaviŭsia ŭ internecie. U im źmiaščajucca źviestki pra finansavuju dapamohu polskaha MZS, u tym liku biełaruskaj apazicyi. Žurnalist, u pryvatnaści, pacikaviŭsia, ci nie źjaŭlajecca heta, z punktu hledžańnia pasła, umiašańniem va ŭnutranyja spravy Biełarusi.

Jak zajaviŭ Šarepka, kankretna hetaha dakumienta jon nie bačyŭ.

Zvyčajna, adznačyŭ jon, padobnyja dakumienty polski bok publikuje ŭ adkrytym dostupie.
«Ale jość krainy, jakija vykarystoŭvajuć lubuju infarmacyju dla baraćby z hramadzianskaj supolnaściu. Biełaruś stavicca da ich liku», — dadaŭ pasoł.

Šarepka paviedamiŭ, što polskaje MZS akazvaje dapamohu ŭ realizacyi samych roznych prajektaŭ u Biełarusi — pa baraćbie sa ŚNIDam, dapamohi ŭ ramoncie škoły dla dziaciej z asablivaściami raźvićcia, u praviadzieńni kanfierencyj, jakija arhanizujucca pradstaŭnikami hramadzianskaj supolnaści.

«U našym zakanadaŭstvie niama pakarańnia za takuju dapamohu, atrymanuju z-za miažy
(majucca na ŭvazie hranty na dziejnaść hramadzianskaj supolnaści). U vas u krainie heta moža pahražać turemnym źniavoleńniem. Kali jość takija niesupadzieńni ŭ zakonach, my pavinny pakłapacicca pra biaśpieku hetych ludziej», — zajaviŭ Šarepka.

Pry hetym polski dypłamat padkreśliŭ: kali situacyja ŭ Biełarusi palepšycca, dakumienty ab pradastaŭleńni finansavaj dapamohi niaŭradavym arhanizacyjam zmohuć znachodzicca ŭ adkrytym dostupie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?