U Miensku prajšoŭ ustanoŭčy schod hramadzkaha abjadnańnia «Asacyjacyja volnych historykaŭ». Na im byŭ zaćvierdžany prajekt platformy budučaj asacyjacyi/

Novaja arhanizacyja pazycyjanuje siabie jak «dobraachvotnaja hramadzkaja arhanizacyja navukovaha, aśvietnickaha i sacyjalnaha kirunku dziejnaści, što abjadnoŭvaje daśledčykaŭ i papularyzataraŭ histaryčnaj navuki».

Prajekt platformy vyznačaje mety i zadačy. Siarod ich — vyvučeńnie prablemaŭ ajčynnaj historyi, jakija nieabjektyŭna aśviatlajucca z pryčyny dziaržaŭnaj idealahizacyi, a taksama papularyzacyja dasiahnieńniaŭ biełaruskaj histaryčnaj navuki na pryncypach abjektyŭnaści i histaryzmu. Volnyja historyki planujuć naładzić niezaležnuju histaryčnuju ekspertyzu padručnikaŭ i i chrestamatyj pa historyi Biełarusi, jakija «składajuć asnovu śvietapohladaŭ hramadzianaŭ krainy». Adnoj z asnoŭnych zadačaŭ budučaj asacyjacyi jość arhanizacyja sacyjalna‑pravavoj dy inšaj dapamohi siabram asacyjacyi i ich siemjam, a taksama historykam, jakija paciarpieli ad dziejańniaŭ dziaržaŭnych strukturaŭ i majuć abmiežavańni ŭ prafesijnaj dziejnaści.

Historyk Nina Stužynskaja akcentavała ŭvahu na poŭnaj biezabaronienaści vykładčykaŭ historyi, navukoŭcaŭ i šarahovych školnych vykładčykaŭ, ich niazdolnaść da minimalnych prajavaŭ pratestu suprać ucisku. «Kalasalnyja nahruzki, idealahičny kantrol, nizkija zarobki, i pry hetym poŭnaja pasyŭnaść» — zaznačyła spn. Stužynskaja. Na jaje dumku, sytuacyju treba mianiać karennym čynam, i heta jość adnoj z zadačaŭ «Asacyjacyi volnych historykaŭ».

Daśledčyk savieckich represijaŭ Ihar Kuźniacoŭ zaznačyŭ, što jašče niastvoranaja arhanizacyja vyklikała nervovuju reakcyju ŭ aficyjnych navukovych kołach. Tak, u Instytucie historyi niekatorym supracoŭnikam pahražali zvalnieńniem u vypadku dałučeńnia da apalnaj arhanizacyi. A sa sp. Kuźniacovym paśla telefanavańnia z Administracyi prezydenta nie praciahnuli pracoŭny kantrakt u Vajskovaj akademii. Nas jašče niama, ale nas užo bajacca, zaznačyŭ jon. I. Kuźniacoŭ nahadaŭ, što hety hod bahaty na histaryčnyja padziei i ŭ suviazi z hetym niezaležnym navukoŭcam treba narešcie padać hołas. Heta i hadavina razmachu stalinskich represijaŭ, i 90‑hodździe Kastryčnickaha pieravarotu. «My majem svoj pohlad na hetyja padziei i pavinnyja jaho danieści da hramadztva».

Arhkamitet asacyjacyi pakul nia maje peŭnaha vyrašeńnia prablemy rehistracyi. U jaho pradstaŭnikoŭ niama iluzijaŭ nakont aficyjnaha dazvołu na dziejnaść budučaj arhanizacyi, tamu pa‑raniejšamu ŭ jakaści zapasnoha varyjantu zastajecca mahčymaść rehistracyi za miažoj.

"Suviaź z hramadzkaściu" budzie adbyvacca praz naładžvańnie navukova‑infarmacyjnych mierapryjemstvaŭ, jakija buduć stvarać dadatkovuju nahodu dla abjadnańnia biełaruskich historykaŭ. Nia bačać pradstaŭniki arhkamitetu i prablemaŭ z publikacyjaj navukovych pracaŭ. Da ŭsiaho, adzin z sustaršyniaŭ arhkamitetu Hienadź Sahanovič vydaje almanach «Biełaruski histaryčny ahlad». Dla infarmacyjnaj i arhanizacyjnaj padtrymki dziejnaści «AHV» planujecca stvaryć internet‑staronku. Jak varyjant — razhladajecca pošuk infarmacyjnaha partnera. Heta mohuć być jak drukavanyja, tak i elektronnyja ŚMI.

Skončyłasia pasiedžańnie abrańniem Kaardynacyjnaha kamitetu, jaki budzie zajmacca dalejšymi arhanizacyjnymi spravami. U jaho ŭvajšli Nina Stužynskaja, Iryna Kaštalan, Siarhiej Tarasaŭ, Andrej Kištymaŭ i Ihar Kuźniacoŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?