U. Dražyn

U. Dražyn

U čaćvier u Ministerstva zamiežnych spraŭ Litvy byŭ zaprošany pasoł Biełarusi Uładzimir Dražyn, jakomu byŭ vykazany pratest u suviazi z vypadam u aŭtorak suprać litoŭskaha pasolstva ŭ Minsku.

«Pasłu była pieradadziena prośba padrabiazna rasśledavać akaličnaści incydentu, supracoŭničać u pradastaŭleńni infarmacyi ab chodzie rasśledavańnia z kampietentnymi litoŭskimi orhanami i harantavać biaśpieku pasolstva Litvy ŭ Minsku», — havorycca ŭ paviedamleńni.

MZS adznačaje, što Dražyn vykazaŭ škadavańnie Biełarusi ŭ suviazi z napadam.

«Akcentavałasia, što rasśledavańni incydentu, jakoje pravodzicca pa artykule ab złosnym chulihanstvie, nadajecca vialikaja ŭvaha. Pasoł zapeŭniŭ, što kampietentnyja biełaruskija struktury buduć apieratyŭna infarmavać litoŭskich kaleh ab rasśledavańni incydentu», — paviedamiła źniešniepalityčnaje viedamstva.

U aŭtorak viečaram na terytoryi pasolstva Litvy ŭ Biełarusi byli kinutyja dva tak zvanyja «kaktejli Mołatava» . Połymia patušyli supracoŭniki litoŭskaj palicyi, jakija pracujuć u pasolstvie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?