Pa vynikach 2012 hoda Kazachstan i Biełaruś płanujuć davieści abjom uzajemnaha handlu da 1 miljarda dołaraŭ ZŠA.
Pra heta zajaŭlena 8 listapada na dziaviatym pasiadžeńni kazachstanska-biełaruskaj mižuradavaj kamisii pa handlova-ekanamičnym supracoŭnictvie, što prachodzić u Astanie, paviedamiŭ vice-premjer Biełarusi Michaił Rusy, paviedamlaje ahienctva Kazinform.

«Pa vynikach dzieviaci miesiacaŭ hetaha hoda abjom uzajemnaha handlu skłaŭ kala 727 miljonaŭ dołaraŭ i pavialičyŭsia na 17 pracentaŭ. Čakajem, što da kanca hoda abjom uzajemnaha handlu dasiahnie znakavaj rysy ŭ adzin miljard dołaraŭ», — skazaŭ Rusy.

Jon zaznačyŭ, što ŭ handli dźviuch krain isnuje dysbałans, i vykazaŭ hatoŭnaść vypravić hetu situacyju.

Jak miarkuje Rusy, rost kazachstanskaha impartu možna zabiaśpiečyć za košt adnaŭleńnia ŭ Biełaruś pastavak vuhlevadarodnaj syraviny, naftapraduktaŭ dla pierapracoŭki na biełaruskich pradpryjemstvach.

«Hetamu budzie sadziejničać najchutčejšaje padpisańnie mižuradavaha pahadnieńnia ab handlova-ekanamičnym supracoŭnictvie ŭ śfiery pastavak nafty i naftapraduktaŭ», — dadaŭ vice-premjer Biełarusi.

Jon taksama adznačyŭ zacikaŭlenaść biełaruskaha boku ŭ inviestycyjnym uzajemadziejańni. «My čakajem prychodu kazachskaha kapitału ŭ Biełaruś i jaho ŭdziełu va ŭzajemavyhadnych prajektach», — skazaŭ Rusy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?