Pavodle vynikaŭ kastryčnika zołatavalutnyja reziervy Respubliki Biełaruś, raźličanyja zhodna sa standartami MVF, skaracilisia na 102,8 młn. dołaraŭ i, pavodle papiarednich źviestak, na 1 listapada 2012 hoda skłali 8 młrd. 23,2 młn. dołaraŭ ZŠA ŭ ekvivalencie.

U nacyjanalnym vyznačeńni abjom ZVR skaraciŭsia na 126,7 młn. dołaraŭ i skłaŭ 8 młrd. 702,3 młn. dołaraŭ u ekvivalencie.

Jak paviedamili va ŭpraŭleńni infarmacyi Nacyjanalnaha banka, skaračeńnie zołatavalutnych reziervaŭ u asnoŭnym abumoŭlena pahašeńniem źniešnich i ŭnutranych abaviazacielstvaŭ u zamiežnaj valucie Nacbankam i ŭradam, jakoje ŭ kastryčniku hetaha hoda było vykananaje ŭ poŭnym abjomie, a taksama źnižeńniem cen na kaštoŭnyja mietały na mižnarodnych rynkach.

U adroźnieńnie ad nacyjanalnaj mietodyki vyznačeńnia reziervaŭ mietodyka padliku MVF adroźnivajecca tym, što pry padliku ZVR uličvajucca tolki manietarnaje zołata i valutnyja reziervy ŭ svabodna kanviersavanych valutach zamiežnych dziaržaŭ.

Varta adznačyć, što zołatavalutnyja reziervy Biełarusi skaračajucca čaćviorty miesiac zapar. U vieraśni było zafiksavana ich źnižeńnie na 15,2 młn. dołaraŭ, u žniŭni — na 106,3 młn., u lipieni — na 82 młn.

Apošnim miesiacam, kali ŭ krainie adznačaŭsia rost reziervaŭ, byŭ červień hetaha hoda. Tady zołatavalutnyja reziervy vyraśli na 291 młn. dołaraŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?