Apošnija asobniki knihi «Azbukoŭnik i ličyłka» pradali na prezientacyi knih dziciačych piśmieńnikaŭ u kniharni «Śvietač» 5 listapada. «Pradali całkam, kniha źniataja z prajsa vydaviectva», — raskazała karespandentu «NN» układalnica čytanki Zosia Kustava.

Nahadajem, što kniha vyjšła ŭ vydaviectvie «Mastackaja litaratura» nakładam 2000 asobnikaŭ. Ź ich u kniharni trapiła kala 150 asobnikaŭ, astatni nakład vykupili biblijateki.

Pa słovach układalnicy, asnoŭnaja častka nakładu padobnych vydańniaŭ drukujecca ŭ pieršuju čarhu dla biblijatek.

Ci budzie nadrukavany dadatkovy nakład, jana nie viedaje. Ale z vopytu pracy ŭ vydaviectvie nie vyklučaje takoj mahčymaści.

Jak praviła, kaža Zosia Kustava, dadrukoŭvajucca knihi ź sieryi «Školnaja biblijateka». Jaje čytanka nie ŭvachodzić u hetuju sieryju, ale całkam adpaviadaje charaktarystykam adukacyjnaha vydańnia.

«Naohuł, ciapier luboje najmieńnie dziciačaj litaratury pa-biełarusku pradajecca vielmi chutka. Kolki nie vydaj. Dziciačyja knihi na biełaruskaj movie nadzvyčaj zapatrabavanyja», — padkreśliła Zosia Kustava.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?