22 kastryčnika Centralnym (Minska) rajonnym adździełam Śledčaha kamiteta Biełarusi raspačata kryminalnaja sprava pa fakcie bojki na rynku ŭ Ždanovičach.

Jak paviedamiła aficyjny pradstaŭnik SK Julija Hančarova, sprava raspačata za asabliva złosnaje chulihanstva ŭ hramadskim miescy na padstavie častki 3 artykuła 339 KK.

Padazravanym pa joj pakul prachodzić tolki adzin čałaviek — žychar Staŭrapolla 1982 hoda, jaki adkryŭ ahoń z traŭmatyčnaha pistaleta.
Ź inšymi ŭdzielnikami bojki zaraz pravodzicca rabota dla ŭstanaŭleńnia poŭnaha koła padazravanych.

Usie ŭdzielniki bojki, a ich, jak paviedamlałasia raniej, było zatrymana 43, — cyhany. Adna hrupoŭka z Astrachanskaj vobłaści, druhaja — sa Staŭrapolla.

Nahadajem, 43 čałavieki byli zatrymany 20 kastryčnika supracoŭnikami milicyi na terytoryi HD «Ždanovičy», dzie pryblizna ŭ 13.00 niepadalok ad charčovaha rynku adbyłasia masavaja bojka.

Pavodle śviedčańniaŭ vidavočcaŭ, cyhany, hramadzianie Rasii, učynili masavuju bojku na adnym z punktaŭ, jany nie syšlisia, jak miarkujecca, u canie padčas ździełki pa prodažy telefona. Łakalnaja łajanka pierarasła ŭ masavuju bojku paśla taho, jak kožny z bakoŭ zaprasiŭ svajakoŭ i znajomych. Adzin z udzielnikaŭ bojki pačaŭ stralać u natoŭp z traŭmatyčnaha pistaleta. Paciarpieli try čałavieki. Mužčynu, jaki adkryŭ stralbu, mocna źbili. Usich čatyroch dastavili ŭ balnicu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?