33-hadovy žychar Hrodna, kirujučy aŭtamabilem «Miersiedes», trapiŭ viečaram 17 kastryčnika ŭ DTZ. U jaho mašynie była pasažyrka na vialikim terminie ciažarnaści.
Jak paviedamili va ŭpraŭleńni DAI UUS Hrodzienskaha abłvykankama, kiroŭca «Miersiedesa» vyjechaŭ na pałasu sustrečnaha ruchu, dzie sutyknuŭsia spačatku z «Džetaj», a zatym z «BMV».

Śviedki śćviardžajuć, što i kiroŭca i pasažyrka «Miersiedesa» znachodzilisia ŭ stanie ałkaholnaha apjanieńnia. Akramia taho, žančyna na miescy DTZ akazałasia biez abutku, z raskudłačanymi vałasami i ŭsia padrapanaja.

Z traŭmami vadziciela inšamarki advieźli ŭ abłasnuju balnicu, a jaho pasažyrku — u balnicu chutkaj miedycynskaj dapamohi. Ad akazańnia dapamohi mužčyna admoviŭsia, ź lačebnaj ustanovy ŭciok. Paśla adpraviŭsia za svajoj spadarožnicaj i vykraŭ jaje z balnicy.

Paru, jakaja prahulvałasia pa načnym horadzie, zatrymali supracoŭniki DAI, jany advieźli žančynu ŭ balnicu. U vyniku DTZ jana atrymała pierałom klučycy. Kolkaść etyłavaha śpirtu ŭ vydychanym pavietry kiroŭcy «Miersiedesa» skłała bolš čym 2 pramile.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?