VII plenarnaje pasiadžeńnie kansultacyjnaj rady pa zamiežnych inviestycyjach projdzie 15 listapada ŭ Minsku. Jano adbudziecca ŭ Nacyjanalnaj biblijatecy ŭ miežach Biełaruskaha inviestycyjnaha forumu, paviedamiŭ na pres-kanfierencyi 18 kastryčnika kiraŭnik-partnior pa Biełarusi kampanii «Ernst end Janh» Pavieł Łaščanka.

«My čakajem pryjezdu šmatlikich znakavych zamiežnych fihur biźniesu», — skazaŭ jon.

Pavodle słoŭ ekśpierta, kansultacyjnaja rada — «ustojanaja forma supracoŭnictva». Łaščanka nahadaŭ, što rada była stvorana ŭ 2001 hodzie. «Takija anałahi jość u Rasii, Kazachstanie i va Ukrainie. Kampanija „Ernst end Janh“ źjaŭlajecca kaardynataram z boku zamiežnych udzielnikaŭ», — adznačyŭ jon.

Papiaredniaje plenarnaje pasiadžeńnie biełaruskaj rady adbyłosia ŭ listapadzie 2009 hoda.
«Potym byŭ vyznačany pierapynak z-za šerahu pryčyn, była turbulentnaść ź pierastanoŭkami va ŭradzie, Siarhiej Rumas pravioŭ dva pašyranyja pasiadžeńni pastajannaha kamiteta. Ich sutnaść zvodziłasia da taho, što abmiarkoŭvalisia aktualnyja pytańni inviestycyjnaha klimatu i imidžu Biełarusi, apošnija novaŭviadzieńni ŭ zakanadaŭstvie», — raskazaŭ kirujučy partnior.

«My čakajem abmierkavańnia hetych pytańniaŭ 15 listapada na bolš vysokim uzroŭni, dzie tradycyjna staršyniuje prem'jer-ministr», — paviedamiŭ Łaščanka.

Čakajucca vystupleńni rehijanalnych dyrektaraŭ Mižnarodnaj finansavaj karparacyi, dyrektar JEBRR, zaprošanyja členy kansultacyjnaj rady Rasii, u tym liku hrupa «Junilevier», bankaŭskaja hrupa «Junikredyt», hrupa ABB, a taksama členy biełaruskaj rady — «Koka-koła», Niamiecki ekanamičny kłub, hrupa Raiffeisen.

«Mnohija inicyjatyvy, jakija naradzilisia ŭ hałovach čynoŭnikaŭ, byli z padačy členaŭ rady, siarod ich — admiena instytuta „załatoj akcyi“, admiena taryfnaj sietki dla kamiercyjnych arhanizacyj, admiena abarotnych padatkaŭ, uviadzieńnie elektronnaha dakumientaabarotu. Hetyja inicyjatyvy dosyć aktyŭna abmiarkoŭvalisia ŭ rabočych hrupach i byli ŭchvaleny na pasiadžeńniach pastajannaha kamiteta. My čakajem, što šerah inicyjatyŭ buduć vykazany padčas plenarnaha pasiadžeńnia», — reziumavaŭ Łaščanka.

Maryna Nosava, BiełaPAN.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?