Dzie vučyć biełaruskuju movu ŭ Minsku? 17

Jak vyvučyć biełaruskuju «z nula»? CityDog.by parazmaŭlaŭ ź ludźmi, jakija zrabili heta, i znajšoŭ niekalki karysnych adrasoŭ.

Tomaš Bładyniec. 30 hadoŭ, žyvie ŭ Polščy, pracuje ŭ budaŭničaj kampanii

«Mianie daŭno cikaviła Biełaruś, i z časam ja adčuŭ: kali chaču siabravać ź biełarusami, treba viedać ich movu

. Vučyŭ samastojna: słuchaŭ biełaruskamoŭnyja pieśni, zavučvaŭ ich na pamiać, karystaŭsia słovami ź ich, šmat razmaŭlaŭ ź ludźmi pa internecie. Byvała, uźnikali kurjozy, asabliva kali karystaŭsia słovami, jakija hučać padobna da polskich, ale značać niešta zusim inšaje. Adnojčy, naprykład, ja skazaŭ, što „ŭ Polščy zimoj niebiaśpiečna, bo z dachaŭ damoŭ źvisajuć sopli, spadajuć i zabivajuć ludziej“. Akramia taho, šmat biełaruskich narmalnych słovaŭ pa-polsku značać niešta nieprystojnaje, jak chacia b „raźbiracca“ ci „sutki“.

U Minsku ja byŭ, karystaŭsia tolki biełaruskaj movaj, nie zaŭsiody mnie na hetaj movie adkazvali, ale zaŭsiody reahavali vielmi pazityŭna.

Byŭ navat cikavy vypadak: u vas za ŭvachod u muziej biełarusam i zamiežnikam treba płacić pa-roznamu. Zamiežniki, kaniešnie, płaciać bolš. A voś mnie dazvolili zapłacić jak biełarusu, tamu što ja havaryŭ pa-biełarusku. Kaniešnie, u muziei viedali, što ja palak, ale im było vielmi pryjemna, što ja razmaŭlaju na ich rodnaj movie».

Maksim Białoŭ. 26 hadoŭ, žyvie ŭ Minsku, vykładčyk BDU

«Ja naradziŭsia ŭ siamji ruskaha vajskoŭca, žyŭ u Biełarusi, ale da ŭsiaho biełaruskaha ŭ siamji było davoli hreblivaje staŭleńnie.

Tamu i ŭ škole da vyvučeńnia movy ja padychodziŭ vielmi abyjakava.

A kali pastupiŭ va ŭniviersitet na fizfak, vyśvietliłasia, što ŭsia matematyka vykładajecca pa-biełarusku. Pa-biełarusku razmaŭlaŭ i fizruk. Tamu mnie daviałosia vučyć movu metanakiravana.

Za dva miesiacy vyvučyŭ! Dapamoh susied pa pakoi ŭ internacie: jon dobra viedaŭ biełaruskuju, davaŭ mnie knihi, pierakładaŭ niezrazumiełyja rečy. Pamiataju, čytaŭ apaviadańni Adama Hłobusa — i prosta, i cikava. A praz dva miesiacy ja tak vyvučyŭ biełaruskuju, što pierajšoŭ na jaje całkam.

Byŭ navat kazus:

moj navukovy kiraŭnik skazaŭ, što nie razumieje, kali ja razmaŭlaju pa-biełarusku. A ja admoviŭsia pierachodzić na ruskuju. I my, napeŭna, miesiac razmaŭlali pa-anhlijsku.

Techničnyja terminy sapraŭdy składana pierakładać na biełaruskuju, nie va ŭsich jość adekvatnyja adpaviedniki, tamu siońnia ja bolš karystajusia ruskaj movaj. Ale, kali abaraniu kandydackuju, dumaju, pierajdu na vykładańnie pa-biełarusku».

Patersan Franko. 24 hady, žyvie ŭ Brazilii, linhvist

Kali ja tolki trapiŭ u Biełaruś, to nie dumaŭ vučyć biełaruskuju movu, bo nichto na joj nie razmaŭlaje. Ale potym padumaŭ:

ja ž linhvist i mahu vyvučyć jaje, tym bolš što jana redkaja i nichto ŭ Brazilii jaje nie viedaje.

A jašče maja žonka ź Biełarusi, i jana viedaje maju movu, partuhalskuju. Tamu, mnie padajecca, całkam narmalna, što ja vyvučaju jaje movu. U partuhalskaj i biełaruskaj, darečy, jość šmat padobnych słovaŭ. Naprykład, mapa (mapa), meta (meta), cybula (cebola), koler (cor), racyja (razão) i hetak dalej… Darečy, vyraz «mieć racyju», pa-partuhalsku taksama budzie ter razão (ter — mieć).

Dzie vučyć biełaruskuju movu ŭ Minsku?

Tavarystva biełaruskaj movy

Pry Tavarystvie biełaruskaj movy jość kursy dvuch typaŭ.

Pieršy — kłub «Pramova», dla tych, chto viedaje biełaruskuju movu, ale drenna na joj razmaŭlaje. Pasiedžańni adbyvajucca pa sieradach (zvyčajna kožnuju druhuju sieradu) a 18.00.

Druhi typ zaniatkaŭ: kursy dla tych, chto nie vałodaje biełaruskaj movaj i choča jaje vučyć. Najbližejšy zaniatak — 19 kastryčnika ŭ 19.30.

Uvachod na ŭsie zaniatki volny, ale vy možacie pakinuć achviaravańnie ŭ adpaviednaj skryncy.

Dzie: vuł. Rumiancava, 13.

Teł.: +375 17 284 85 11.

Biełaruski dziaržaŭny ŭniviersitet

Na fiłałahičnym fakultecie BDU na Marksa jość kursy dla biełaruskich hramadzian, ale faktyčna heta nie kursy movy, a kursy padvyšeńnia kvalifikacyi, tamu doŭžacca jany ceły hod: 1 siemiestr kaštuje 2 900 000, a druhi — 5 100 000 rubloŭ.

Pry BDU jość kursy i dla zamiežnych hramadzian. U zaležnaści ad intensiŭnaści jany mohuć doŭžycca ad 2 tydniaŭ da 10 miesiacaŭ, a kaštujuć — ad 230 da 1400 dalaraŭ.

Dzie: vuł. K. Marksa, 31.

Teł.: +375 17 380 39 45.

Dzie: pr-t Niezaležnaści, 4.

Teł.: +375 17 209 53 22.

Minski dziaržaŭny linhvistyčny ŭniviersitet

U MDzŁU idzie nabor u hruppu biełaruskaj movy. Zaniatki — dva razy na tydzień z 19.00 da 21.00, poŭny kurs — 4 miesiacy. 64 hadziny z vykładčykam linhvistyčnaha ŭniviersiteta kaštujuć 1 800 000 biełaruskich rubloŭ.

Dzie: Vuł. Zacharava, 21.

Teł.: +375 17 284 81 51.

Repietytar

Prapanovaŭ na rynku chapaje: vykładčyk moža pryjazdžać da vas, ci vy budziecie jeździć da jaho. Prahrama składajecca indyvidualna. Košt: ad 4 da 10 dalaraŭ za 45 chvilin.

Spasyłki:

Vyvučeńnie biełaruskaj movy onłajn. Na sajcie šmat karysnych spasyłak: na biełaruskija padručniki i słoŭniki, knihi ŭ pierakładzie na biełaruskuju. Jość spasyłka na sajt, dzie sabranyja samyja prostyja biełaruskija frazy z hukavym supravadžeńniem. Možna słuchać i paŭtarać.

Prajekt «dziciačaja zaMova» — 100 malunkaŭ pra tonkaści biełaruskaj movy. Buduć karysnyja tym, chto viedaje ci vyvučaje biełaruskuju movu, ale maje ciažkaści z užyvańniem niekatorych słovaŭ ci vyrazaŭ.

Citydog.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH