«Ja hłyboka škaduju, što parłamienckija vybary ŭ Biełarusi čarhovy raz nie adpaviadali mižnarodnym standartam spraviadlivaha i prazrystaha vybarčaha pracesu. U situacyi, kali lidary apazicyi zastajucca ŭ turmie, kali niekatorym apazicyjnym kandydatam admoŭlena ŭ rehistracyi, a narodu zatykajecca rot, adbyłasia naśmieška nad demakratyčnymi vybarami.

Vybary byli azmročanyja abmiežavańniami dostupu da srodkaŭ masavaj infarmacyi, pieraškodami, jakija čynilisia mižnarodnym naziralnikam pry kantroli za padlikam hałasoŭ, dy paviedamleńniami pra cisk na roznyja hrupy vybarcaŭ.

Biełaruś pa-raniejšamu idzie pa niedemakratyčnym šlachu, pazbaŭlajučy svaich hramadzian hramadzianskich pravoŭ dy prava karystacca pieravahami bolš ščylnaha supracoŭnictva ź Jeŭraźviazam.

Ja škaduju, što ŭ hetaj situacyi Jeŭraparłamient nie zmoža adnavić aficyjnyja adnosiny ź biełaruskim parłamientam.

Ja ŭžo daŭno straciŭ iluzii adnosna dobraj voli biełaruskaha kiraŭnictva ŭziać na siabie abaviazańni dziela taho, kab pravieści demakratyčnyja reformy.

Jeŭraźviaz urešcie pavinien raspracavać efiektyŭnuju stratehiju dačynieńniaŭ ź Biełaruśsiu — heta značyć, vyrašyć, jak ćviorda reahavać na aburalnyja parušeńni pravoŭ čałavieka i viaršenstva zakonu dy jak padtrymlivać biełaruski narod i jaho hramadzianskuju supolnaść, jakaja zmahajecca sa šmatlikimi ciažkaściami», — zajaviŭ Marcin Šulc.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?