Niezaležnyja naziralniki: jaŭka skłała 45%, vybary nie adbylisia 22

Pavodle źviestak naziralnikaŭ ad Biełaruskaj chryścijanskaj demakratyi, akredytavanych na niekalkich sotniach vybarčych učastkaŭ va ŭsioj krainie,

jaŭka na skłała 44,7% vybarcaŭ, a ŭ Minsku -- mienš za 39%. Takija źviestki byli ahučanyja paśla zakryćcia vybarčych učastkaŭ.

Fota Siarhieja Hudzilina.

Aleś Čacholski, adkazny sakratar Kansiervatyŭna-chryścijanskaj partyi BNF, paviedamiŭ vyniki nazirańnia svaich partyjcaŭ.

«Homiel. Z 24-ha ŭčastku 35-j akruhi paviedamlajuć, što było zarehistravana na ŭčastku 2750 vybarcaŭ, prahałasavała 1005 čałaviek. U Salihorsku na 18-m učastku 68-j akruhi: zarehistravana 2905 vybarcaŭ, prahałasavała 1167 čałaviek, taksama mienš za 40%».

Paviedamlaje Siaržuk Bachun: Mianie, naziralnika na vybarčym učastku № 373 h. Miensku, vydalili z ŭčastka.

Pryčyna: maŭlaŭ, niechta zrabiŭ zdymak i raźmiaściŭ u internecie. Ale ž što takoha ŭ tym, što jość fota? I tym bolš ja nia maju nijakaha dačynieńnia da hetaha fota! Staršynia kamisii Skrockaja Śviatłana Michajłaŭna pa zajavie «naziralnika"ad «Biełaj Rusi» vydaliła mianie i jašče adnaho naziralnika z učastka. Mnie zdajecca, što heta zroblena z-za taho, što pa dadzienych na 18.00 na maim učastku prahałasavała 35%. Ciapier kamisija moža napisać lubyja ličby!

Infarmacyja sa 104-j akruhi (Minsk), učastak № 449 (vulica Sierdziča, 26.)

Nazirajuć dvoje chłopcaŭ (Anton Žyłko i Stanisłaŭ Ramanovič), pakazvajuć kamisii na niedachopy ŭ pracy (sproba vydačy biuleteniaŭ biez dakumientaŭ, niapravilnaja arhanizacyja hałasavańnia pa miescy žycharstva vybarščykaŭ i t.p.). U vyniku, na ŭčastak pryjechali dvoje maładych ludziej (30–35 hadoŭ), pakazali niejkija paśviedčańni kamisii i sieli pobač z naziralnikami.

Pravakujuć kanflikt, pastajanna zatykajuć rot naziralnikam, nie dajuć ŭstać ź miesca, pahražajuć, što raźbiarucca paśla vybaraŭ!

Novyja «naziralniki» vielmi padobnyja da šyroka viadomych ludziej u cyvilnym.

I pa apošniaj infarmacyi (18.35), adzin z «bajcoŭ» piša zajavu, što Anton Žyłko (niezaležny naziralnik) pieraškadžaje nazirać za vybarami i prosić vydalić jaho z učastku! Anton, darečy, naličyŭ ŭsiaho tolki 37% jaŭki!

U vyniku niepasredna pierad padlikam hałasoŭ usich piać niezaležnych naziralnikaŭ vydalili z učastka.

Naziralnik Siarhiej Čarnavoki piša ŭ Fejsbuku:

na 121-m učastku 94-j Śvisłackaj akruhi, pavodle jahonych padlikaŭ, prahałasavała 374 čałavieki, a pa dadzienych kamisii — 809.

NN.BY, Svaboda.org

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH