Pavodle dadzienych naziralnikaŭ, jaŭka na ŭčastki dla hałasavańnia na 16 hadzin skłała 34,4%, u tym liku daterminovaje hałasavańnie, paviedamiŭ adkazny sakratar arhkamiteta pa stvareńni partyi «Biełaruskaja chryścijanskaja demakratyja» (BCHD) Dzianis Sadoŭski.
«U nas tolki ad BCHD na učastkach prysutničaje 200 čałaviek. My taksama supracoŭničajem z kampanijaj partyjnaha nazirańnia „Za spraviadlivyja vybary“, tamu majem infarmacyju z usioj Biełarusi, z usich abłaściej», — skazaŭ Sadoŭski.
Pry hetym jon adznačyŭ, što ličby nazirańnia ad BCHD i kampanii «Za spraviadlivyja vybary» paraŭnoŭvajucca z dadzienymi kampanii «Pravaabaroncy za svabodnyja vybary» i prajekta «Nazirańnie za vybarami: teoryja i praktyka».
«Našy ličby, u asnoŭnym supadajuć. Razychodžańnie składaje nie bolš za 3%, heta značyć u miežach pamyłki padliku abo statystyčnaj pamyłki», — adznačyŭ Sadoŭski.
«U nas jość sotni faktaŭ taho, što jaŭka na vybarčyja ŭčastki nakručvajecca štučna. Vybarščykaŭ, jakija hałasavali daterminova, tak i ŭ dzień vybaraŭ pryciahvajuć na ŭčastki bufietam i kancertami, ale navat heta nie daje vyniku — jaŭka mienšaja za 50%», — zajaviŭ Sadoŭski.
* * *
Kampaniju «Za spraviadlivyja vybary» arhanizavali 14 biełaruskich palityčnych partyj i hramadskich arhanizacyj.
Prajekt «Nazirańnie za vybarami: teoryja i praktyka» ažyćciaŭlajuć sumiesna hramadskaja arhanizacyja Belarus Watch, Jeŭrapiejski humanitarny univiersitet i Biełaruski dom pravoŭ čałavieka ŭ Vilni.