U Homieli naziralnikaŭ, jakija pracujuć u ramkach kampanii «Za spraviadlivyja vybary», vybarčyja kamisii vydalajuć z učastkaŭ dla hałasavańnia.
Jak paviedamiŭ kaardynatar kampanii «Za spraviadlivyja vybary» pa Savieckaj akruzie № 34 Vasil Palakoŭ, 23 vieraśnia z učastka № 16 Savieckaj akruhi vydalili naziralnika Viktara Kazłova. U rašeńni ŭčastkovaj kamisii ŭkazana pryčyna vydaleńnia: «znachodziŭsia ŭ niepasrednaj blizkaści ad skryniaŭ dla hałasavańnia, šumieŭ, hučnymi vykazvańniami sprabavaŭ pryciahnuć da siabie ŭvahu». «Na hetym učastku vielmi vialikaje razychodžańnie ŭ kolkaści prahałasavaŭšych pa źviestkach kamisii i naziralnikaŭ. Pavodle źviestak kamisii, prahałasavała na 202 čałavieki bolš, čym zafiksavali naziralniki. Vidać, Viktara Kazłova vydalili z učastka, tamu što niervy zdali ŭ členaŭ kamisii», — patłumačyŭ Palakoŭ.
Pavodle jaho źviestak, 22 vieraśnia taksama z učastka № 15 Savieckaj akruhi byŭ vydaleny naziralnik Uładzimir Niapomniaščych. «Na hetym učastku było samaje vysokaje razychodžańnie pamiž źviestkami kamisii i naziralnikami ŭ jaŭcy pa akruzie», — zaznačyŭ kaardynatar nazirańnia.
.
