Kansiervatyŭna-chryścijanskaja partyja BNF vyznačyła ŭ roznych miescach Biełarusi pa niekalki ŭčastkaŭ dla kantrolnaha nazirańnia za režymnym ašukanstvam i 26 vybarčych učastkaŭ pa Miensku va ŭsich akruhach. Sparadyčnym ahulnym ahladam nami achoplenyja ŭsie ŭčastki ŭ stalicy», kaža lidar partyi Zianon Paźniak.
Lider KCHP-BNF adznačaje, što «Na ŭčarašni dzień (subota) ahulnaja karcina takaja. Na «papiaredniaje» hałasavańnie hałasavać źjaviłasia vielmi mała ludziej. Prychodzili tolki vielmi staryja pensijanery plus moładź ź internataŭ, jakuju prymusili hałasavać pad pahrozaj vysialeńnia, zvalnieńnia albo vyklučeńnia z vučoby. Pa pieršych našych padlikach u Miensku pryniali ŭdzieł ŭ papiarednim hałasavańni (prymusili prahałasavać) ahułam pryblizna kala 9-10% vybarščykaŭ. (Pa našych učastkach ad 5 da 15%). Źviestki ŭdakładniajucca».
Pavodle Zianona Paźniaka, «paŭsiudna adbyvajecca aficyjnaje zavyšeńnie kolkaści prahałasavanych u siarednim u dva-čatyry razy. Pavodziny našych naziralnikaŭ (instrukcyi, jakija im dadzienyja) vyklučajuć zaŭvahi i pretenzii z boku kamisijaŭ. Ahresija režymnych vykanaŭcaŭ suprać naziralnikaŭ u hetych umovach nabyła inšyja formy – najpierš paklopu i nahavoru. Technalohija hebisckaj podłaści tut dla ich tradycyjnaja. Na naziralnika pišuć paklopnicki list u kamisiju ab prydumanym parušeńni. Kiraŭnik kamisii tut ža vydalaje naziralnika z učastka. Pakul naziralnik budzie źviartacca ŭ prakuraturu dy sud, hałasavańnie skončycca. I tady ŭžo racyja naziralnika nia maje značeńnia. Ale my i na takija dziejańni praduhledzieli kontramiery. 23 vieraśnia hladzim sumny praciah režymnaha farsu paharełaha teatra», — padsumoŭvaje lider KCHP-BNF
