Hrupa hramadzian Biełarusi vystupiła z inicyjatyvaj pierajmienavać Suvoraŭskaje vajskovaje vučylišča ŭ Minsku ŭ vajskovaje vučylišča imia Kanstancina Astrožskaha. Raspačynajecca zbor podpisaŭ za nadańnie vučylišču imia słavutaha biełaruskaha pałkavodca. «My, hramadzianie Biełarusi, źviartajemsia z patrabavańniem ab pierajmienavanni ŭ Minsku Suvoraŭskaha vajskovaha vučylišča. Dla našaha naroda Suvoraŭ źjaŭlajecca akupantam i katam, jaki kryvava padaŭlaŭ paŭstanni biełaruskaha naroda, ździajśniajučy zachopnickija płany Rasijskaj impieryi. Ušanavańnie imia hetaha čałavieka — hańba dla biełaruskaj nacyi, ździek z pamiaci našych prodkaŭ.

U biełaruskaj historyi dastatkova vajskovych dziejačaŭ i hierojaŭ, imiem jakich pa pravie pavinny hanarycca budučyja aficery suvierennaj Biełarusi.

Prapanujem nazvać vajskovuju vučelniu ŭ honar dziaržaŭnaha i vajskovaha dziejača našaj staradaŭniaj dziaržavy Kanstancina Astrožskaha (1460—1503), jaki atrymaŭ pieramohi ŭ 63 bitvach z vorahami krainy. Jaho nazyvali «druhim Hanibałam». K.Astrožski nie mieŭ sabie roŭnych u zmahanni z čužyncami. Jaho słužba Radzimie stała ŭzoram vajskovaj čynnasci. Ciažka navat vysłavić usiu dziejnaść hetaha čałavieka. Za svajo žyćcio K.Astrožski zbudavaŭ šmat cerkvaŭ, manastyroŭ, špitalaŭ i škoł. Nie było takoha vajskovaha dziejača, jaki b usio svajo žyćcio tak pryhoža i hodna addaŭ Ajčynie».

Taki zvarot inicyjatary pierajmienavańnia padali na imia premjer?ministra Biełarusi Siarhieja Sidorskaha i ministra abarony krainy Leanida Malcava.

Narodnaja vola

Hladzi jašče:
«Usio kipučaje žyćcio najvybitniejšaha pałkavodca śvietu — sucelny podźvih na karyść svajoj Radzimy» — adkaz pałkoŭnika zapasu Ju.P.Siańkova «I ŭ naźvie sutnaść» na sajcie Mienskaha suvoraŭskaha vučylišča.
Historyja budynku Mienskaha suvoraŭskaha vučylišča (minskoldnew.com)

Клас
0
Панылы сорам
0
Ха-ха
0
Ого
0
Сумна
0
Абуральна
0