Lider demakratyčnych sił Biełarusi Alaksandar Milinkievič 13 krasavika naviedaje z adnadzionnym vizytam Sankt‑Pieciarburh.

Padčas pieramovaŭ z pradstaŭnikami demakratyčnych siłaŭ Rasiei i kantaktaŭ z rasiejskaj presaj Alaksandar Milinkievič pradstavić pazicyju biełaruskich demakrataŭ pa adnosinach z Rasiejaj va ŭmovach kryzisa režymu ŭ Biełarusi i pierachodu da demakratyčnaj systemy kiravańnia dziaržavaj. Padčas vizytu Alaksandar Milinkievič maje namier dać acenku sučasnamu stanu biełaruska‑rasiejskich adnosinaŭ.

Jon taksama akreślić svajo bačańnie perspektyvaŭ handlova‑ekanamičnych dačynieńniaŭ našych krain, miž inšaha, supracoŭnictva pa pytańniach pastavak hazu i pierapracoŭki nafty, adnosinaŭ da pryvatyzacyi biełaruskich pradpryjemstvaŭ, udziełu zamiežnych, u tym liku, i rasiejskich investaraŭ u pracesie refarmavańnia biełaruskaj ekanomiki.

U palityčnym bloku pytańniaŭ, jakija zakranie padčas vizytu ŭ Sankt‑Pieciarburh lider demakratyčnych sił Biełarusi, staŭleńnie da sajuzu Biełarusi i Rasiei, supracoŭnictva ŭ miežach SND i EŭrAzES, vajenna‑palityčnaje supracoŭnictva na dvubakovym uzroŭni, prablema prysutnaści rasiejskich vajskovych bazaŭ na terytoryi Biełarusi, vykarystańnie systemy SPA dziela vyrašeńnia supolnych zadač. Padčas vizytu ŭ Sankt‑Pieciarburh Alaksandar Milinkievič adkaža na pytańni rasiejskich ŚMI, a taksama voźmie ŭdzieł u presavym klubie infarmacyjnaha ahienctva «Rosbałt». Alaksandar Milinkievič naviedaje Sankt‑Pieciarburh na zaprašeńnie šerahu palityčnych strukturaŭ Rasiei i pradstaŭnikoŭ biełaruskaj dyjaspary.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?