Vyjšła ŭ śviet novaja kniha viadomaha filolaha i falklarysta, babrujčanina Alaksieja Nienadaŭca.

Kniha, jakaja maje nazvu «Čaroŭnyja źmiei», adrasavanaja tym, chto cikavicca historyjaj i kulturaj rodnaha kraju. A.Nienadaviec sabraŭ razam mity dy sapraŭdnyja historyi pra źmiejaŭ. U asnoŭnym aŭtar raspaviadaje pra vužakaŭ dy hadziuk, pra ich suisnavańnie razam ź ludźmi.

Aŭtar upeŭnieny, što biełaruskaja mitalohija — adna z samych bahatych u śviecie. «Vobraz vužaki ŭ biełarusaŭ spradvieku ličyŭsia vobrazam prodkaŭ. Ludzi vieryli, što dušy pamierłych rodzičaŭ žyli pad paroham. Voś čamu na parozie nielha było siekčy drovy albo siadzieć», — adznačyŭ Alaksiej Michajłavič na prezentacyi.

Alaksiej Nienadaviec — doktar filalahičnych navuk, prafesar, pracuje zahadčykam katedry hramadzkich dyscyplinaŭ u Babrujskaj filii ekanamičnaha ŭniversyteta. Usio śviadomaje žyćcio ščyruje na nivie Biełaruščyny. Jaho navukovyja daśledavańni ŭvasobilisia ŭ 30 knihach. Heta lehiendy, padańni, u jakich adlustroŭvajucca nacyjanalnyja rysy biełaruskaha naroda, jaho śvietapohlady.

Prezentacyja prajšła ŭ aktavaj zali Babrujskaha krajaznaŭčaha muzeja.

Ludmiła Rodzikava, belngo.info

Fota Viečiernij Bobrujsk

Клас
0
Панылы сорам
0
Ха-ха
0
Ого
0
Сумна
0
Абуральна
0