Nieadnarazova čuli paproki ŭ svoj adras pra stratu adekvatnaha ŭsprymańnia radzimy paśla vybyćcia ź jaje.

Hladžu navinavuju stužku i dumaju: chto hetyja ludzi, jakija zabaraniajuć mnie kałupacca ŭ nosie i ŭkazvajuć inšym na adekvatnaść?

Źjaŭlajecca ŭ efiry tavarišč Volha Abramava i raskryvaje miechanizm falsifikacyj parłamienckich vybaraŭ. I heta taja samaja Abramava, jakaja prajšła kaliści ŭ parłamient pa śpisie Łukašenki ŭ vyniku hetaj samaj falsifikacyi.
Heta značyć, jana ciapier cipa apazicyja, što palić napałmam nienavisny režym, jakomu, ułasna, i słužyła.
Cytata: «Adbyłasia poŭnaja devalvacyja instytuta parłamientaryzmu i instytuta vybaraŭ. Heta dyjahnaz». Heta značyć, kali jaje ŭklučali ŭ śpis parłamientaryjaŭ, zaćvierdžany Łukašenkam, devalvacyi parłamientaryzmu nie było, a jak nie ŭklučyli, devalvacyja pačałasia. Heta sapraŭdy dyjahnaz.
Druhaja historyja, jakaja ŭraziła, — pra toje, jak trenier dadavaŭ dopinh u katlety Nadziei Astapčuk, pazbaŭlenaj załatoha miedala alimpijady
. Tak i baču: kradziecca pa kuchni trenier z kołbaj dopinhavaha jadu i zalivaje jaho ŭ farš. Ahučyŭ hetuju łuchtu niejki Vanchadła z antydopinhavaha kamiteta. Pryčym, niejki Vanchadła viaščaŭ pra heta bieź i Astapčuk i jaje treniera — kazaŭ, što trenier pryznaŭsia ŭ zroblenym. Kali žurnalisty źviarnulisia da treniera z pytańniem: «Začem, muššyna, jadrašturchalnicu tyraniŭ?» — jon adkazaŭ: «Vy što tam usie, je…lisia? Ja nikomu ŭ katlety dopinh nie sypaŭ».
I voś siadžu ja pierad kampjutaram i dumaju: nakolki ž ja straciŭ adekvatnaść udalečyni ad radzimy, raz nie razumieju ŭžo takich vidavočna prostych rečaŭ, jak dopinh i falsifikacyi.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?