Pra heta zajaviŭ kiraŭnik dyrektar firmy Piotr Vintryč.
Firma ŭ Radermarku na paŭdniovym zachadzie Hiermanii maje dyleraŭ u 43 krainach śvietu, try ź ich znachodziacca ŭ Rasii. Hałaŭny ofis nie maje poŭnaha kantrolu nad kožnym ź ich.
«Luby z našych ruchavikoŭ moža vykarystoŭvacca dla bieśpiłotnych lotnych aparataŭ», — adznačyŭ Vintryč.
Najlepšy ź liniejki ruchavikoŭ kampanii kaštuje 8400 jeŭra.
Biełaruskija vajskoŭcy praviali šerah vyprabavańniaŭ bieśpiłotnika letam u Minsku z vykarystańniem abstalavańnia 3W Modellmotoren.
Pra ich vytvorčaść było abvieščana ŭ žniŭni hienieralnym dyrektaram Minskaha avijaramontnaha zavoda. Sieryjny vypusk bieśpiłotnikaŭ płanujecca pačać u 2013 hodzie.
Zavod źbirajecca vypuskać da dziesiaci aparataŭ za hod, ich maksimalnaja chutkaść składzie 200 kiłamietraŭ u hadzinu, a dalokaść palotu — da 240 kiłamietraŭ. Asnoŭnymi zakazčykami vystupajuć MUS, Ministerstva abarony i MNS.
Niaŭradavaja arhanizacyja «Biełaruski trybunał» taksama śćviardžaje, što aŭstryjskaja, niamieckaja i šviejcarskaja strałkovaja zbroja była pradadzienaja ŭ Biełaruś i trapiła ŭ śpiecyjalnuju bryhadu MUS krainy.
Pierad hetym padraździaleńniem staić zadača razhonu demanstracyj. Jano adyhrała važnuju rolu ŭ zdušeńni pratestaŭ suprać falsifikacyj prezidenckich vybaraŭ u śniežni 2010 hoda. Heta zaachvociła ES uvieści zabaronu na pastaŭki zbroi ŭ Biełaruś.
Sotni ludziej, u tym liku kandydaty ŭ prezidenty, byli źbityja. Dziasiatki ludziej byli zatrymanyja i kinutyja ŭ turmy. Hetyja dziejańni ŭładaŭ vyklikali mižnarodnaje asudžeńnie.
Ahniastrelnaja zbroja, jakaja vykarystoŭvajecca bryhadaj, uklučaje pradukcyju vytvorčaści Glock (Aŭstryja) i Sig Sauer (Šviejcaryja — Hiermanija).
Abiedźvie firmy viadomyja pa ŭsim śviecie svajoj zbrojaj i technałohijami. Glock admoviłasia kamientavać abvinavačvańni.
U svaju čarhu, Ihar Makar, aficer biełaruskaha śpiecnaza, jaki ŭciok z krainy, zajaviŭ, što jamu nieviadomyja fakty vykarystańnia biełaruskimi siłavikami zbroi, vyrablenaj u ES.
«Jana mahła być pradadzienaja ŭ Biełaruś praz trecija krainy», — skazaŭ Makar.
Pry hetym jon adznačyŭ, što biełaruskija dziaržaŭnyja ŚMI zajaŭlali ab kupli šviejcarskaj i niamieckaj zbroi šeść miesiacaŭ tamu. U repartažy telekanała ANT byŭ pakazany pistalet Sig Sauer P226.
Jeŭrapiejskim čynoŭnikam nieviadoma pra fakty vidavočnaha parušeńnia sankcyj kampanijami ES.
«Ludzi, uklučanyja ŭ „čornyja śpisy“, starajucca, kab ich vyklučyli adtul. Ale ja nie viedaju pra fakty parušeńnia sankcyj», — skazała
