Znakamity centravy Šakił O'Nił abvierh infarmacyju pra toje, što jon moža pravieści niekalki matčaŭ u baskietbolnym čempijanacie Mieksiki za kłub «Fuerca Rehija».

«Heta niapraŭda. Škada, što mnohija ekśpierty, u pryvatnaści, na ESPN, zamiest taho, kab patelefanavać i spytać mianie naŭprost, sprabujuć šukać infarmacyju ŭ Internecie. Jany chočuć być pieršymi, tamu publikujuć niepravieranyja źviestki.

Nichto sa mnoj nie źviazvaŭsia. Ja nie budu hulać u čempijanacie Mieksiki», — pryvodzić słovy O'Niła amierykanskaja presa.

U aktyvie 40-hadovaha cientravoha, vybranaha «Arłanda» pad pieršym numaram na drafcie 1992 hoda, 4 tytuły čempijona NBA (3 u składzie «Łos-Andželes Lejkierz» i 1 — ŭ «Majami Chit»), zvańnie čempijona śvietu 1994 hoda, a taksama zołata Alimpijady ŭ Atłancie ŭ 1996 hodzie. O'Nił byŭ pryznany MVP rehularnaha siezona ŭ 2000 hodzie, trojčy pryznavaŭsia samym karysnym hulcom płej-of, a taksama 15 razoŭ prymaŭ udzieł u matčach usich zorak NBA. Usiaho u NBA jon pravioŭ 19 siezonaŭ

Nahadajem, što ŭ mai 2012 h. Šakił O'Nił staŭ doktaram navuk u śfiery karparatyŭnaha navučańnia i kiravańnia piersanałam.
Čatyry hady jon pravučyŭsia va Univiersitecie Bary (Fłaryda).
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?