5 vieraśnia Viarchoŭny sud Biełarusi abviaściŭ vierdykt pa skarzie lidara ruchu «Za svabodu» Alaksandra Milinkieviča, jakoha nie zarehistravali kandydatam u deputaty.

Sudździa Valancina Kulik nie znajšła padstavaŭ, kab zadavolić skarhu Milinkieviča. Sam jon zajaŭlaje, što na hetym vybarčaja kampanija dla jaho nie zakančvajecca.

Alaksandr Milinkievič sprabavaŭ praź Viarchoŭny sud damahčysia, kab jaho zarehistravali kandydatam u deputaty pałaty pradstaŭnikoŭ. Dla jaho heta była apošniaja mahčymaść pazmahacca za deputacki mandat. Adnak Valancina Kulik, jakaja, darečy, viała siońniašniaje pasiadžeńnie na biełaruskaj movie, nie znajšła padstavaŭ, kab zadavolić jahony zvarot. Jana paličyła, što pretenzii da byłoha kandydata ŭ deputaty z boku akruhovaj i Centralnaj vybarčych kamisijaŭ majuć dastatkovaje abhruntavańnie.

Lidar ruchu «Za svabodu» chacieŭ bałatavacca ŭ 109-j minskaj Uruckaj vybarčaj akruzie. Adnak pry praviercy podpisaŭ vybarcaŭ akruhovaja kamisija paličyła, što z pravieranych 350 podpisaŭ 26% — niesapraŭdnyja. Siudy, pavodle daviedki kamisii, zaličyli podpisy ź niesapraŭdnymi pašpartnymi dadzienymi, podpisy, u jakich datu nibyta staviła inšaja asoba, a nie sami vybarcy, a taksama podpisy tych vybarcaŭ, jakija nie pražyvajuć na terytoryi 109-j akruhi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?