Pa fakcie načnoha DTZ u Minsku, u vyniku jakoha zahinuŭ bajkier, rasśledujecca sprava pa častcy 2 artykuła 317 Kryminalnaha kodeksa (parušeńnie pravił darožnaha ruchu, jakoje paciahnuła pa nieaściarožnaści śmierć čałavieka), paviedamiŭ aficyjny pradstaŭnik Upraŭleńnia Śledčaha kamiteta pa Minsku Alaksandr Hierasimaŭ.

Pavodle jaho słoŭ, prykładna ŭ 0.50 5 vieraśnia aŭtamabil adździeła achovy Pieršamajskaha RAUS Minska vyjazdžaŭ z vulicy Makajonka naleva na praśpiekt Niezaležnaści, kali ŭ jaho ŭrezaŭsia matacykł Honda CBR 1000R.

U vyniku avaryi matacyklist 1984 hoda naradžeńnia zahinuŭ na miescy, a dva supracoŭniki milicyi z traŭmami roznaj stupieni byli dastaŭlenyja ŭ balnicu chutkaj miedycynskaj dapamohi i špital MUS. Uračy aceńvajuć stan zdaroŭja abodvuch paciarpiełych jak stabilny.
Milicejskaja mašyna ruchałasia biez uklučanych sihnalnych majačkoŭ. Śviatłafor na skryžavańni pracavaŭ u režymie žoŭtaha mihańnia, skazaŭ Hierasimaŭ.
Jon taksama spasłaŭsia na słovy śviedak DTZ, jakija śćviardžajuć, što matacykł ruchaŭsia z chutkaściu, jakaja značna pieravyšaje dazvolenuju ŭ horadzie.

U miežach kryminalnaj spravy pryznačany šerah ekśpiertyz.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?