Vosy napali na dziaciej u adnym ź dziciačych sadkoŭ Homiela, paśla čaho piaciora dziaciej byli dastaŭleny ŭ Homielskuju abłasnuju kliničnuju balnicu, paviedamili ŭ pres-słužbie abłasnoha ŭpraŭleńnia Ministerstva pa nadzvyčajnych situacyjach.

Pavodle papiarednich źviestak, troje dziaciej užo vypisany, dvoje jašče zastajucca pad nahladam miedykaŭ.

Zdareńnie adbyłosia 3 vieraśnia. Dzieci hulali na placoŭcy i, kapajučysia ŭ piasočnicy, natrapili na asinaje hniazdo, i roj nasiakomych nakinuŭsia na małych.

Da hetaha vypadku administracyja sadu nie źviartałasia ŭ padraździaleńnie MNS nakont źniščeńnia vosaŭ, paśla zdareńnia ratavalniki likvidavali asinaje hniazdo.

U pres-słužbie dadali, što na žnivień-vierasień tradycyjna prypadaje pik aktyŭnaści vos i šeršniaŭ. U hety pieryjad jany najbolš niebiaśpiečnyja. Tamu pry vyjaŭleńni ich hniozdaŭ u sacyjalnych ustanovach nieabchodna źviartacca da śpiecyjalistaŭ, a taksama prajaŭlać maksimalnuju aściarožnaść.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?