Praz tydzień, 8 vieraśnia 2012 h., spoŭnicca 6 hadoŭ, jak zapracavaŭ štodzionny sajt «Našaj Nivy» (2006). Ciapier štodnia na sajcie źjaŭlajecca bolš za 50 navinaŭ. Štodnia pastupaje bolš za 600 kamientaroŭ.
My paličyli, što ŭ siarednim na sajcie nie prymajecca 19,34% kamientaroŭ. Heta značyć, što pa stanie na 20.15 chvilin 29 žniŭnia na sajt byli napisanyja 613 386 kamientaroŭ, ź ich pryniatyja 494 777.
Kali ŭličyć, što bolšaja častka vydalenych kamientaŭ — heta «techničny spam» i kamienty, dasłanyja pamyłkova, to pracent adbrakavanych kamientaŭ nie taki j vialiki.
Praź niekalki dzion na sajcie NN.BY źjavicca
Redakcyja starajecca trymacca nastupnych praviłaŭ i vydalać kamientary, jakija traplajuć pad nastupnyja pazicyi.
1. Kamientary, što raspalvajuć mižnacyjanalnuju, relihijnuju i inšuju varažnieču.
2. Kamientary, jakija ŭtrymlivajuć zakliki da hvałtu.
3. Kamientary, jakija ŭtrymlivajuć nienarmatyŭnuju leksiku i nieprystojnaści.
4. Kamientary, jakija staviać pad sumnieŭ prava biełarusaŭ na ŭłasnuju kulturu, movu, dziaržavu, a taksama ksienafobskija kamientary.
5. Kamientary, u jakich utrymlivajucca sproby abrazić našych aŭtaraŭ, kalehaŭ, tavaryšaŭ.
6. Biessensoŭnyja kamientary, fłud, spam.
7. Nieapraŭdana doŭhija kamientary ci cytavańni.
8. Rekłamnyja paviedamleńni i kamientary, jakija staviać svajoj metaj tolki rekłamu tych ci inšych pierson, arhanizacyj, partyj, ruchaŭ.
9. Kamientary, jakija ŭtrymlivajuć asabistuju infarmacyju (adrasy, telefony, inšyja kantaktnyja źviestki).
10. Sprečki z maderatarami, parady i abmierkavańnie rašeńniaŭ maderataraŭ.
Redakcyja pakidaje za saboj prava nie tłumačyć pryčyny niepublikacyi materyjałaŭ.
Ci zhodnyja Vy z praviłami kamientavańnia na sajcie?
