U Biełarusi stabilizavałasia situacyja z raspaŭsiudžańniem VIČ‑infiekcyi. Ab hetym zajaviła karespandentu BIEŁTA namieśnik načalnika ŭpraŭleńnia arhanizacyi miedycynskaj dapamohi Ministerstva achovy zdaroŭja respubliki Ludmiła Žylevič.

Na 1 krasavika biahučaha hoda ŭ našaj krainie kumulatyŭnaja kolkaść VIČ‑infiekcyi skłała 8 tys. 14 vypadkaŭ.

U svaju čarhu ŭ adździele prafiłaktyki VIČ/ŚNID Respublikanskaha centra hihijeny, epidemijałohii i hramadskaha zdaroŭja paviedamili, što za pieršyja try miesiacy biahučaha hoda ŭ Biełarusi było vyjaŭlena 267 vypadkaŭ VIČ‑infiekcyi.

Jak i raniej, na pieršym miescy pa ahulnaj kolkaści inficyravanych znachodzicca Homielskaja vobłaść. Tut zarehistravana 4 tys. 340 vypadkaŭ VIČ‑infiekcyi. Na druhim miescy horad Minsk — 1 tys. 136 vypadkaŭ, na trecim Minskaja vobłaść — 953 vypadki.

Pieravažnaja bolšaść inficyravanych — heta maładyja ludzi va ŭzroście ad 15 da 29 hadoŭ. Udzielnaja vaha ŭzrostavaj hrupy 15‑19 hadoŭ źmienšyłasia z 24,5 pracenta ŭ 1996 hodzie da 3 pracentaŭ u 2006 hodzie.

Pradaŭžaje raści kolkaść ludziej, inficyravańnie jakich adbyłosia ŭ vyniku sieksualnych kantaktaŭ. Tak, kali jašče ŭ 2005 hodzie takich było 57,2 pracenta, to ŭ 2006‑m užo 63,4 pracenta.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?