Hetaje pytańnie pakul zastajecca adkrytym, zajaviŭ namieśnik staršyni Minharvykankama Ihar Karpienka na pres-kanfierencyi 8 žniŭnia ŭ Minsku.

Razam z tym, paviedamiŭ jon, školniki buduć jeździć biaspłatna, jak i raniej.

Biaspłatny prajezd dla studentaŭ i navučencaŭ dzionnaj formy navučańnia ŭstanoŭ adukacyi Minska, jakija zabiaśpiečvajuć atrymańnie prafiesijna-techničnaj, siaredniaj śpiecyjalnaj i vyšejšaj adukacyi, ułady ŭviali ŭ vieraśni 2011 hoda. 1 lipienia 2012 hoda heta norma była admieniena.

Ihar Karpienka nazvaŭ prava biaspłatnaha prajezdu studentam dyskusijnym pytańniem.
Pavodle jaho słoŭ, paśla ŭviadzieńnia biaspłatnaha prajezdu harvykankam «atrymaŭ masu paprokaŭ», u tym liku ad piensijanieraŭ, jakija nie razumiejuć, čamu studenty jeździać biaspłatna, a jany nie.

Na dumku Karpienki, studenty mohuć zarablać jak padčas kanikuł, tak i navučalnaha hoda. Naprykład, u «savieckija časy studentki padpracoŭvali prybiralščycami ŭ internatach, dzie žyli, a ciapier ich nie ŭhavoryš tam pracavać».

Ilhoty nie pavinny paradžać sacyjalnaje ŭtrymanstva, padkreśliŭ namieśnik staršyni Minharvykankama. Što da tych, chto apłačvaje vučobu, to ich siemji, pavodle słoŭ Karpienki, pavinny raźličvać na ŭłasnyja siły, a nie adpraŭlać dzicia vučycca čaho b heta ni kaštavała.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?