Minharvykankam vyznačyŭ miescy ŭ stalicy, zabaronienyja dla pikietavańnia z metaj zboru podpisaŭ vybarščykaŭ pa vyłučeńni kandydataŭ u deputaty. Adpaviednaje rašeńnie raźmieščana na sajcie hetaha dziaržorhana.

U pryvatnaści, podpisy nielha budzie źbirać na abjektach mietrapalitena (za vyklučeńniem terytoryj padziemnych piešachodnych pierachodaŭ), čyhunačnaha i pavietranaha transpartu; na terytoryi niekatorych płoščaŭ stalicy — Kastryčnickaj, Niezaležnaści, Pieramohi, Pryvakzalnaj.

Taksama zabaronienyja pikiety bližej za 200 mietraŭ ad budynkaŭ rezidencyi prezidenta, Nacyjanalnaha schodu i Savieta ministraŭ i na adlehłaści mienš jak 50 mietraŭ ad budynkaŭ respublikanskich orhanaŭ dziaržkiravańnia, miascovych pradstaŭničych, vykanaŭčych i rasparadčych orhanaŭ, dypłamatyčnych pradstaŭnictvaŭ i konsulskich ustanoŭ, sudoŭ, orhanaŭ prakuratury, terytoryj arhanizacyj, jakija zabiaśpiečvajuć abaranazdolnaść, biaśpieku dziaržavy i žyćciadziejnaść nasielnictva (hramadski transpart, pradpryjemstvy voda-, ciepła- i enierhazabieśpiačeńnia, ustanovy daškolnaj adukacyi, ustanovy ahulnaj siaredniaj adukacyi, arhanizacyi achovy zdaroŭja).

Nielha źbirać podpisy na adlehłaści mienš jak 300 mietraŭ ad terytoryj jadziernych ustanovak, abjektaŭ, pryznačanych dla vytvorčaści ci zachoŭvańnia radyjeaktyŭnych rečyvaŭ i materyjałaŭ, u tym liku zachoŭvańnia jadziernych materyjałaŭ, adpracavanych jadziernych materyjałaŭ i (ci) ekspłuatacyjnych radyjeaktyŭnych adychodaŭ, na terytoryjach hetych abjektaŭ i ŭ ich sanitarna-achoŭnych zonach; na adlehłaści mienš jak 200 mietraŭ ad budynkaŭ, zbudavańniaŭ, dzie znachodziacca arhanizacyi, na jakija ŭskładzieny funkcyi redakcyj televizijnych i radyjoviaščalnych srodkaŭ masavaj infarmacyi, a taksama radyjotelevizijnych pieradajučych stancyj i radyjopieradajučych stancyj.

Pravodzić pikietavańnie z metaj zboru podpisaŭ vybarščykaŭ u Minsku možna budzie z 8 da 22 hadzin.

Vyłučeńnie kandydataŭ u deputaty budzie prachodzić z 15 lipienia pa 13 žniŭnia ŭklučna. Vybary adbuducca 23 vieraśnia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?