26 červienia 1941 hoda ŭ vioscy Mikałajeva Šumilinskaha rajona kanvojem NKUS była rasstralanaja kałona viaźniaŭ, jakuju hnali na ŭschod ź Bieraźvieckaj turmy. Pavodle aficyjnych źviestak, tam było kala tysiačy čałaviek, a miascovyja žychary śviedčać, što achviar było bolš za dźvie tysiačy.

U mierapryjemstvie pa ŭšanavańniu pamiaci biaźvinna zahinuŭšych viaźniaŭ pryniali ŭdzieł siabry Ruchu salidarnaści «Razam» i aktyvisty niezarehistravanaj Partyi BCHD ź Minsku, a taksama žurnalisty z Hłybokaha Jaŭhien Samsonaŭ i Źmicier Łupač.

Spačatku ŭdzielniki mierapryjemstva naviedali miesca, dzie stajaŭ bieraźviecki chram, jaki byŭ razburany savieckimi ŭładami ŭ 1957 hodzie.

Heta miesca raźmieščana pobač z sumnaviadomaj bieraźvieckaj turmoj, dzie adbyvaje pakarańnie Źmicier Daškievič. Z hetaha miesca ranicaj 24 červienia 1941 hoda viaźniaŭ vyhnali ŭ svoj apošni šlach.
Da kryža, što ŭstalavany na miescy chrama, udzielniki ŭskłali vianok, byli zapalenyja źničy. Aktyvisty pračytali malitvu, praśpiavali himn «Mahutny Boža». Naprykancy ŭdzielniki trojčy vyhuknuli «Žyvie Biełaruś!» u nadziei, što ich moža pačuć Źmicier Daškievič.

Paśla ŭdzielniki mierapryjemstva nakiravalisia ŭ viosku Mikałajeva Šumilinskaha rajona, dzie kałonu viaźniaŭ 26 červienia 1941 hoda kanvairy rasstralali, spasłaŭšysia na tajemnaje rasparadžeńnie tahačasnaha biełaruskaha kiraŭnictva. Hety šlach paźniej budzie nazvany «Darohaj śmierci».

Da kryža, što staić na miescy pachavańnia, byli ŭskładzienyja vianki, žyvyja kvietki, byli pastaŭlenyja zapalenyja śviečki.
Pierad prysutnymi vystupili namieśnik Ruchu salidarnaści «Razam» Alaksandr Makajeŭ i žurnalist z Hłybokaha Jaŭhien Samsonaŭ. U svaich vystupach jany ŭzhadali tyja padziei, a taksama raspaviali, čamu my pavinny pra heta pamiatać. Skončyłasia mierapryjemstva supolnaj malitvaj.

Paśla prysutnyja z bieł-čyrvona-biełymi ściahami prajšli praz vulicu vioski Mikałajeva.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?