Siarhiej Hajdukievič u intervju sajtu bsblog.info zajaviŭ, što jahonaja partyja na parłamienckich vybarach 23 vieraśnia hatovaja vystavić kandydataŭ pa ŭsich akruhach. Sam lidar ŁDPB nie maje namieru bałatavacca.
«Vybaraŭ u krainie niama. Ich prosta tupa niama. I surjoznym palityčnym partyjam, jakija naličvajuć dziasiatki tysiač čałaviek, patrebna prymać surjoznyja rašeńni, a nie raskazvać ludziam kazki», — kazaŭ Hajdukievič.Byŭ raskrytykavany Alaksandr Milinkievič, Ruch «Za Svabodu» jakoha nie vyłučaje svaich kandydataŭ. Hajdukievič ličyć, što ŭ Ruchu prosta niama ludziej.
Lidar
Hajdukievič vypuściŭ šmat krytyčnych strełaŭ u adras apazicyi. «U apazicyi jak nie było adzinaha lidara, tak i niama. Kožny ličyć siabie džokieram». Atajasamlivać siabie z demakratyčnaj apazicyjaj Hajdukievič nie choča, choć taksama nazyvaje svaju partyju apazicyjnaj da ŭłady.Na pytańnie, ci trapić apazicyju ŭ pałatu pradstaŭnikoŭ, byŭ na nastupny adkaz: «Tryźnieńnie niejkaje. Usie akruhi ŭžo raśpisanyja».
«Surykaŭ — razumniejšy čałaviek, jon prosta ahučyŭ toje pra što kazali ŭ Maskvie. Naprykład, što budzie adzinaja valuta — 100%. Biełaruś i Kazachstan nie chočuć rasijski rubiel, ale ŭsio da hetaha idzie», — zaznačyŭ Hajdukievič.
«Łukašenka budzie zastavacca pry ŭładzie kolki zachoča, — ličyć staršynia ŁDPB. Pry hetym dadaje, što ŭ 2015 Łukašenka udzielničać u vybarach užo nie budzie. — Alaksandr Ryhoravič moža pahadzicca na pasadu hiensaka Jeŭrazijskaha sajuza».«Ja źbirajusia vyjhrać nastupnyja vybary», — samaŭpeŭniena kaža Hajdukievič.
Siarhiej Hajdukievič byŭ
