«Na žal, i ŭ hetym hodzie amal na kožnym pradmiecie jość vydalenyja za vykarystańnie na CT šparhałak, navušnikaŭ, mabilnych telefonaŭ Fizika, jakuju zdavali siońnia abituryjenty, nie vyklučeńnie, — adznačyŭ dyrektar Respublikanskaha instytuta kantrolu viedaŭ Mikałaj Fiaśkoŭ. —
Piaciora abituryjentaŭ byli vydaleny za sproby karystacca šparhałkami, navušnikami, pieradatčykami, padłučanymi ŭ kalkulatary, mabilnymi telefonami».
Jašče adna sumnaja tendencyja —
z 44 tys. 120 čałaviek, jakija zarehistravalisia na CT pa fizicy, nie pryjšli 2 tys. 714 (6,2%). Akramia taho, zafiksavanyja vypadki, kali adrazu paśla razdačy zadańniaŭ abituryjenty pakidali svaje miescy, navat nie paśpieŭšy zapoŭnić błank adkazu.«Nu jak možna kazać, što zadańni składanyja, kali ty navat nie paśpieŭ ich pračytać? I jak možna sprabavać analizavać siaredni bał pa vyprabavańni, kali častka abituryjentaŭ navat nie sprabavała adkazać na zadańnie, a prosta pryjšła ŭ aŭdytoryju dla hałački abo dla taho, kab baćki nie svarylisia», — skazaŭ surazmoŭca. Toje, što na CT moža zapisacca luby achvotny, pieraškadžaje pry analizie vynikaŭ vyprabavańnia. «Mienavita tamu my zaŭsiody kažam, što centralizavanaje testavańnie — heta tolki ranžyravańnie abituryjentaŭ pa tym, jak jany adkazali na test, a nie analiz viedaŭ adzinaccacikłaśnikaŭ», — skazaŭ jon.
Usiaho siońnia
pisali testavańnie 41 tys. 401 abituryjent. Ź ich 2 tys. 272 abituryjenty płanavali pisać vyprabavańnie na biełaruskaj movie.Za 180 chvilin treba było zrabić 30 zadańniaŭ roznaj składanaści. Usie bały za test stanuć viadomyja prykładna 2 lipienia.
