U Hałoŭnym upraŭleńni ŭnutranych spraŭ MUS Biełarusi składzieny top-10 tavaraŭ, jakija za apošnija dva miesiacy kanfiskavanyja z abarotu pa pryčynie nieadpaviednaści aryhinału albo nielehalnaha ŭvozu ŭ krainu.

Na pieršym miescy — cyharety i elitnaje śpirtnoje.
Tolki za maj supracoŭniki padraździaleńniaŭ pa baraćbie z ekanamičnymi złačynstvami kanfiskavali tytuniovych vyrabaŭ na 1,5 miljarda rubloŭ. Bolšuju častku hetych cyharet płanavałasia pastavić u krainy Bałtyi i Zachodniaj Jeŭropy. Niekatoryja partyi, schavanyja ŭ furach, vyjaŭlali na miežach.

Dalej u rejtynhu — DVD.

Ułasnaj pirackaj vytvorčaści dyskaŭ, pa śćviardžeńniach apieratyŭnikaŭ HUBEZ MUS, u Biełarusi niama, zatoje jość popyt nasielnictva.
Za apošni miesiac ź niezakonnaha abarotu kanfiskavana amal 9 tysiač dyskaŭ z prykmietami kantrafaktnaści.
Na treciaj pazicyi raźmiaścilisia mabilnyja telefony.
Bolšaść madelaŭ jak pa vyhladzie, tak i pa «načyńni» dalokija ad aryhinałaŭ, ale z pryčyny cany avat na ich znachodziacca kupcy. Pa abnoŭlenych za maj dadzienych, z roźničnaj sietki kanfiskavana kantrafaktnych telefonaŭ na 229 miljonaŭ rubloŭ.

Čaćviortuju pazicyju ŭ rejtynhu zaniała mebla. Heta adnosny «pačatkoviec» u tavarach, jakija sprabujuć padrabić i pradać jak aryhinał.

Za apošni čas było adrazu niekalki bujnych skandałaŭ, źviazanych ź niesankcyjanavanym vykarystańniem albo zapatentavanaj technałohii vytvorčaści abo dyzajnu mebli.
Ad dziejańniaŭ niadobrasumlennych biźniesoŭcaŭ, u pryvatnaści, paciarpieli akcyjaniernaje tavarystva «Olsa» i meblevaja fabryka «Łahuna». Uron, naniesieny apošniaj, skłaŭ amal 320 młn rubloŭ.

U siaredzinie top-10 raźmiaścilisia abutak i adzieńnie. Tolki za maj supracoŭniki słužby BEZ kanfiskavali abutak pad viadomymi handlovymi markami bolš čym na 28 miljonaŭ rubloŭ.

Na šostym miescy — impartnaja kaśmietyka.

Siomy radok u rejtynhu zajmajuć aŭtazapčastki. Adsutnaść u pradprymalnikaŭ dakumientaŭ na tavar kaža ab tym, što hetyja detali niesiertyfikavanyja i ŭviezienyja ŭ Biełaruś niezakonna. A značyć,

zapčastki nieviadomych vytvorcaŭ mohuć vydavacca za brendavyja.
Niekalki apošnich pravierak vyjavili dziasiatki parušeńniaŭ u realizacyi aŭtadetalaŭ.
U pradprymalnikaŭ kanfiskavali zapčastki pad tavarnymi znakami Kayaba, Liqui Moly, Blauer na 512 miljonaŭ rubloŭ.

Na vośmym miescy — ahrachimikaty. Hruzaviki z uhnajeńniami čas ad času kursujuć jak z Rasii ŭ Biełaruś, tak i ŭ zvarotnym kirunku. I vypadki, kali na tavar niama supravadžalnych dakumientaŭ, nie redkaść.

Za maj milicyjanty kanfiskavali sotni ton ahrachimikataŭ pad tavarnymi znakami firmy Du Pont, Basis i Trend 90. Košt kanfiskavanaha tavaru skłaŭ 481 młn rubloŭ.

Dziaviataje miesca zaniała bytavaja technika. U HUBEZ MUS zajaŭlajuć, što

siońnia naŭrad ci ŭjaŭlajecca mahčymym dakładna daviedacca, dzie vyrableny toj ci inšaj elektračajnik (kali havorka nie idzie ab bujnych handlovych sietkach). Tamu za viadomymi brendami bytavoj techniki, jakaja pradajecca na rynkach, moža chavacca samy tanny i niajakasny tavar,
papiaredžvajuć u milicyi.
Zamykajuć rejtynh pradukty, u pryvatnaści kava i harbata.
Niekalki tydniaŭ tamu byŭ zatrymany aŭtamabil indyvidualnaha pradprymalnika z Hrodna, u jakim znachodziłasia 336 pakunkaŭ kavy pad tavarnymi znakami «Žakiej» i Maxwell House i 30 pakunkaŭ harbaty Greenfield. Mierkavana kantrafaktny tavar na ahulnuju sumu 11,6 młn rubloŭ kanfiskavali dla praviadzieńnia ekśpiertyzy. Nie tak daŭno bujnuju partyju harbaty impartnaj vytvorčaści kanfiskavali na aptovym rynku «Lebiadziny» pad Minskam. Jak i ŭ pieršym vypadku, pradprymalnik nie zmoh paćvierdzić lehalnaść nabyćcia tavaru.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?